გამოცდების ეროვნული ცენტრი ყველა მსურველს აძლევს შესაძლებლობას უშუალოდ შეხვდეს ცენტრის წარმომადგენლებს, საგნობრივი ჯგუფების ექსპერტებს და მათგან მიიღოს პასუხი საინტერესო და აქტუალურ კითხვებზე. ამის შესახებ ინფორმაციას გამოცდების ეროვნული ცენტრი ავრცელებს.

მათი ინფორმაციით, 5 მარტიდან ცენტრის ოფისში სისტემატიურად ჩატარდება ღია კარის დღეები მოსწავლეების, აბიტურიენტების, მაგისტრანტობის კანდიდატებისა და მასწავლებელთა სასერტიფიკაციო გამოცდებში მონაწილეთათვის.

ღია კარის დღეზე დასწრების მსურველები ინტერნეტით, გამოცდების ეროვნული ცენტრის ვებგვერდზე (www.naec.ge) უნდა დარეგისტრირდნენ, რეგისტრაციისას კი მათთვის სასურველი თარიღი აირჩიონ. ყველა მონაწილე დადასტურებას ელექტრონული ფოსტით მიიღებს.
naec.ge