18 აპრილიდან საქართველოს ტექნიკური უნივერსიტეტის გამოყენებითი გეოლოგიის დეპარტამენტთან არსებული “ძვირფასი ლითონების’’ ექსპერტ-შემფასებელთა შემსწავლელი სპეციალიზებული კურსი იწყება.

კურსის გავლის მსურველებმა უნდა წარმოადგინონ საბუთები: ფოტოსურათი 3X4 – 2 ცალი; პირადობის მოწმობის ქსეროასლი; დიპლომის ქსეროასლი; CV ან ავტობიოგრაფია. დაინტერესებულმა პირებმა დამატებითი ინფორმაციისთვის უნდა დარეკონ შემდეგ ნომრებზე: 38-25-88, 877 42-83-47, 893 27-24-65.

საქართველოს ტექნიკური უნივერსიტეტის გამოყენებითი გეოლოგიის დეპარტამენტში (დეპარტამენტის უფროსი ნოდარ ფოფორაძე) საქსტანდარტის მიერ აკრედიტებული ტესტირების სერტიფიცირებული ლაბორატორია ახლახან განახლდა და აღიჭურვა. ლაბორატორია დაკომპლექტებულია მაღალი კვალიფიკაციის გამოცდილი სპეციალისტებით. სრულდება საერთაშორისო სტანდარტების მოთხოვნის შესაბამისი მაღალი სანდოობის ანალიზები ოქროს, ვერცხლის, პალადიუმის, პლატინის, ოსმიუმის და მათი შენადნობების ქიმიური შემცველობის დასადგენად. ლაბორატორიაში ხორციელდება სამეცნიერო გრანტები, საექსპერტო-სადიაგნოსტიკო სამუშაო და სახელშეკრულებო თემები.