საქართველოს ტექნიკური უნივერსიტეტის სტუდენტებს ლიტერატურულ კონკურს “შემოდგომის ლეგენდაში” მონაწილეობის საშუალება ეძლევათ. კონკურსში მონაწილეობა შეუძლიათ სამივე საფეხურის სწავლების სტუდენტებს (ბაკალავრიატი, მაგისტრატურა, დოქტურანტურა).

ზაფხულის განმავლობაში სტუდენტებს აქვთ დრო, დაწერონ 1-იდან 3 თაბახამდე მოცულობის პროზაული ნაწარმოები (ან შეარჩიოთ ადრე შექმნილი საკუთარი ნაწარმოებიდან). შესაძლებელია, ეს იყოს ნაწყვეტი რომანიდან. არდადეგების შემდეგ, სწავლის დაწყების პირველივე დღეს, გამოცხადდება კონკურსი და მიეცემათ საშუალება, ნაშრომი გაუგზავნონ კომისიას (shemodgomis-legenda@tsu.ge).

ლიტერატურული კონკურსი ორ ეტაპად ჩატარდება: I ეტაპი - შიდა შესარჩევი ტური. ელ.ფოსტაზე - shemodgomis-legenda@tsu.ge უნდა გაგზავნონ პროზაული ნაშრომი (ნაწყვეტი) ნაბეჭდი სახით, არა ნაკლებ ერთი და არა უმეტეს სამი თაბახის გვერდისა; ჟანრი და თემა შეუზღუდავია. ამავე ფოსტაზე უნდა გაგზავნონ შევსებული ანკეტა, რომელიც ყველა მონაწილე სასწავლებლის ოფიციალურ ვებგვერდზეა განთავსებული.

ჟიური შიდა შესარჩევ ტურში გამოავლენს 15 საუკეთესო კანდიდატს, რომლებიც მეორე ტურში გადაინაცვლებენ და კონკურსის მთავარი - იმპროვიზაციული ტურის მონაწილეები გახდებიან. იმპროვიზაციული ტურის მონაწილეები, ქალაქგარეთ, მყურდო გარემოში, რამდენიმე საათის განმავლობაში შექმნიან პროზაულ ნაწარმოებს მოცემულ თემაზე. 15-ვე ნაშრომი შევა კრებულში. საუკეთესო კონკურსანტები კი ფულადი პრიზებით დაჯილდოვდებიან: I ადგილი - 1000 ლარი და კონკურსის სიმბოლო, II ადგილი - 700 ლარი, III ადგილი - 500 ლარი.

კონკურსის სპონსორია “ჯეოსელი”.

დამატებითი ინფორმაციისთვის მსურველებს შეუძლიათ დაკავშირება: სტუ-ის ადმინისტრაციული კორპუსი, II სართული, საეთაშორისო ურთიერთობათა და სტანდარტების სამსახური, ტელ.: 236-53-90, 599-15-22-02, www.news.gtu.ge