ხვალ, 13 ივნისს, 11:00 საათზე, საქართველოს ტექნიკური უნივერსიტეტის საკონფერენციო დარბაზში ჩატარდება საერთაშორისო სემინარი, რომელზედაც წარმოდგენილი იქნება ინოვაციური საშემდუღებლო მასალები (მისამართი: კოსტავას ქ. N 77, საქართველოს ტექნიკური უნივერსიტეტის ადმინისტრაციული კორპუსი, მე-3 სართული).

საქართველოს ტექნიკური უნივერსიტეტი, შემდუღებელთა ასოციაცია და ფ. თავაძის მეტალურგიისა და მასალათმცოდნეობის ინსტიტუტი დაინტერესებულ პირებს იწვევს საერთაშორისო სემინარზე, რომლის პროგრამაში გათვალისწინებულია “მესერ ეუტექტიკ კასტოლინის“ ფირმის მიერ შემუშავებული საშემდუღებლო მასალების, მოწყობილობისა და ტექნოლოგიების, ასევე სტუ-ის “საშემდუღებლო მასალების, წარმოებისა და ექსპერტიზის საერთაშორისო ცენტრის“ მიერ შექმნილი ინოვაციური საშემდუღებლო მასალების პრეზენტაცია.