|
22-01-2010, 01:00
22 იანვარს ბავშვთა და ახალგაზრდობის ეროვნული ცენტრის შენობაში ახალგაზრდული კლუბი გაიხსნება. როგორც თბილისის მერიის ახალგაზრდულ საქმეთა მონიტორინგის განყოფილებაში აცხადებენ, მშვიდობისა და განვითარების აკადემიასთან და ქართულ-სლოვაკურ საზოგადოებასთან ერთად იწყება პროექტი "ახალგაზრდული კლუბები _ თანადგომა და შემდგომი განვითარება". პროექტის ფარგლებში პირველი ახალგაზრდული კლუბი გაიხსნება.
პროექტის მიზანია, ხელი შეუწყოს დევნილი და სოციალურად დაუცველი ახალგაზრდების განვითარებას. კლუბში ახალგაზრდები ინგლისურ ენას, კომპიუტერს, ხელოვნებას, კონფლიქტების მართვისა და ლიდერობის უნარ-ჩვევებს შეისწავლიან. ცენტრი ასამდე მოზარდისთვისაა განკუთვნილი. მათთან პროფესიონალი, საერთაშორისო გამოცდილების მქონე მასწავლებლები და ტრენერები იმუშავებენ. ახალგაზრდებს გადაეცემათ საჭირო სახელმძღვანელოები.
უახლოეს მომავალში მსგავსი ცენტრის გახსნა წეროვანშიც იგეგმება. |
|
