6-9 ივლისს ტრენტოს უნივერსიტეტის (იტალია) საინფორმაციო ინჟინერინგისა და კომპიუტერული მეცნიერებების დეპარტამენტში ჩატარდება IEEE ComSoc საზაფხულო სკოლა, რომელშიც ტელეკომუნიკაციისა და მონათესავე სამეცნიერო მიმართულებების სპეციალობის კურსდამთვრებულებს შეუძლიათ მონაწილეობა.
საზაფხულო სკოლა ითვალისწინებს საერთაშორისო ექსპერტების ლექციებსა და მონაწილე სტუდენტების მიერ პოსტერის პრეზენტაციებს. საზაფხულო პროგრამაში წარმოდგენილი იქნება ტელეკომუნიკაციების სფეროში არსებული ფუნდამენტური და თანამედროვე უახლესი მიღწევები.
სტუდენტების შერჩევა მოხდება კონკურსის საფუძველზე, წარმოდგენილი აპლიკაციების მიხედვით. შერჩეული სტუდენტები საზაფხულო პროგრამის პერიოდში უზრუნველყოფილი იქნებიან საცხოვრებელითა და კვებით. პროგრამა არ ფარავს საერთაშორისო და ადგილობრივ ტრანსპორტირებას.
