6 ოქტომბერს, 19:00 საათზე, სიმონ ჯანაშიას სახელობის საქართველოს ეროვნული მუზეუმის ეზოში მოეწყობა ეროვნული მუზეუმის Instagram გვერდის ოფიციალურ პრეზენტაცია და ფოტოგამოფენა.

Instagram გვერდის პრეზენტაციაზე წარმოდგენილი იქნება პირველი Instagram ფოტოების გამოფენა - ხუთმა ახალგაზრდა ფოტოგრაფმა მუზეუმების განსხვავებულ სივრცეებში საინტერესო ფოტოები გადაიღო. სპეციალურად პროექტისთვის #მუზეუმიფოკუსში მუშაობდნენ:

@louisa_s - ლუიზა ჩალათაშვილი
@leeonees - ლევან მაისურაძე
@chalo_0 - დავით ჭალიძე
@dikarka - დინა ოგანოვა
@n_romanovskaya - ნატა აბაშიძე-რომანოვსკაია

მუზეუმში პირველად მოეწყობა მუსიკალური სეტი - საღამოს გააფორმებს სანდრო თედიაშვილი (TedArt).
ჩვენი Instagram გვერდის დახმარებით სტუმრებს შეეძლებათ, ნახონ, თუ რა ხდება მუზეუმის კულისებში - როგორ მზადდება გამოფენები, რას ინახავს მუზეუმის საცავები, გაეცნონ ჩვენს ლაბორატორიებს, რესტავრაციის პროცესს და მუზეუმის ცხოვრების ამსახველ სხვა ფოტომასალას.

დამთვალიერებლებს შეუძლიათ, გადაიღონ ფოტო მუზეუმის სივრცეში და ატვირთონ ინსტაგრამზე #museuminfocus-ის მითითებით.

https://instagram.com/georgiannationalmuseum/

Instagram მეგობრები არიან საკომუნიკაციო სააგენტო Windfor’s-ი და ღვინო „თამადა“.

მისამართი: სიმონ ჯანაშიას სახელობის საქართველოს მუზეუმის ეზო. თბილისი, შოთა რუსთაველის გამზირი N3.