15 აპრილს საქართველოს ტექნიკური უნივერსიტეტის ჰუმანიტარულ-ტექნიკურ ფაკულტეტზე გაიხსნა საერთაშორისო კონფერენცია "ეკონომიკური პოლიტიკა და ბიზნესპროცესების მართვა".

კონფერენცია ორდღიანია. პროგრამით გათვალისწინებული მიმართულებებია: 1. მდგრადი განვითარება და ეკონომიკური პოლიტიკა; 2. რეგიონული ეკონომიკური პოლიტიკა; 3. ბიზნესპროცესების მართვა.

კონფერენციის სამუშაო ენებია ქართული, ინგლისური, რუსული.

კონფერენციაზე გადაწყდა, რომ ასეთი კონფერენცია უნდა ჩატარდეს წელიწადში ორჯერ - გაზაფხულსა და შემოდგომაზე. მისი მიზანი ეკონომიკის თანამედროვე, აქტუალურ პრობლემებზე მეცნიერ-ეკონომისტთა შეხედულებების გაზიარებაა.

კონფერენციაში მონაწილეობენ დოქტორანტები, პროფესორები. ღონისძიებას ესწრებოდნენ სტუდენტები. სპეციალურად კონფერნციისთვის გამოიცა შრომების კრებული, სადაც 95 ნაშრომია შესული.

კონფერენცია 16 აპრილს დასრულდება.