ნატო-ს მისიის ვიზიტთან დაკავშირებით კონცერტი გაიმართა » News.GTU.ge



«    მარტი 2024    »
ორშსამოთხხუთპარშაბკვ
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
დაგვიკავშირდით

ნატო-ს მისიის ვიზიტთან დაკავშირებით კონცერტი გაიმართა სტუ
20-04-2011, 20:26
ნატო-ს მისიის ვიზიტთან დაკავშირებით კონცერტი გაიმართა20 აპრილს საქართველოს ტექნიკურ უნივერსიტეტში, ნატო-ს მისიის ვიზიტთან დაკავშირებით, კონცერტი გაიმართა. ღონისძიებაში მონაწილეობდნენ სტუ-ის ახლად აღდგენილი საესტრადო ორკესტრი, ანსამბლი “ურსა”, ხალხური სიმღერების ანსამბლი “ქართველო”, ხალხური ცეკვის ანსამბლი “მერანი”, მომღერალი ნუკრი კაპანაძე და სხვა კოლექტივები.

გარდა ამისა, გაიმართა სტუ-ის ახლად აღდგენილი ორკესტრის პრეზენტაცია.

ნატო-ს მისიის ვიზიტთან დაკავშირებით კონცერტი გაიმართასაესტრადო ორკესტრს საქართველოს პოლიტექნიკური ინსტიტუტის (ამჟამად საქართველოს ტექნიკური უნივერსიტეტი) კულტურულ ცხოვრებაში უმნიშვნელოვანესი ადგილი ეკავა. იგი 1932 წელს შეიქმნა. მთელი თავისი მოღვაწეობის განმავლობაში, ორკესტრის ყველა კონცერტი სრული ანშლაგით ტარდებოდა. იგი წარმატებით უწევდა შემოქმედებით მეტოქეობას ქვეყნის საუკეთესო პროფესიულ საესტრადო კოლექტივებს, ბევრი სიახლე შეიტანა ესტრადაზე, რამაც დროის გამოცდას გაუძლო. ეს იყო პირველი ორკესტრი, რომელმაც წინ წამოწია კონფერანსიეთა როლი, ჩამოაყალიბა ვოკალური კვარტეტი და ტრიო, დაამკვიდრა ახალი თემატიკა და ფორმები, იღვწოდა ეროვნული სახის შესაქმნელად, ესტრადაზე გზა გაუკაფა იუმორს, ქართულ სიტყვას, სიმღერას, ცეკვას, ჯაზურ იმპროვიზაციებს. იგი საესტრადო ძალების ნამდვილი სამჭედლო იყო _ ქართული ესტრადის გამოჩენილ წარმომადგენელთა დიდმა უმრავლესობამ სწორედ აქ აიდგა ფეხი.

1990-იანი წლებიდან, ქვეყანაში არსებული ვითარების გამო, ორკესტრმა არსებობა დროებით შეწყვიტა.
ამჟამად, საქართველოს ტექნიკური უნივერსიტეტის ხელმძღვანელობისა და პირადად რექტორის, არჩილ ფრანგიშვილის ინიციატივით, მოხერხდა ორკესტრის აღდგენა.

ნატო-ს მისიის ვიზიტთან დაკავშირებით კონცერტი გაიმართარექტორის ხელმძღვანელობითვე შეიქმნა საინიციატივო ჯგუფი დათო აბესაძის, ჯემალ ბაღაშვილის, თამუნა ბზვანელის, რეზო გელაშვილის, სოსო გიორგაძის, ლევან გოგიჩაიშვილის, ზაზა ვეფხვაძის, ირაკლი მამაცაშვილის, თამაზ ორჯონიკიძის (კოორდინატორი), თამაზ სეფერთელაძის, ირმა სოხაძის, თემურ ტუღუშის, ოთარ წეროძისა და გია ჭირაქაძის შემადგენლობით. 2012 წლის გაზაფხულზე, საქართველოს ტექნიკური უნივერსიტეტის დაარსებიდან 90-ე და ორკესტრის შექმნიდან მე-80 წლისთავთან დაკავშირებით, ჯგუფი გეგმავს ფილარმონიის დიდი საკონცერტო დარბაზის წინ ორკესტრის სახელობითი ,,ვარსკვლავის” გახსნას.
ნატო-ს მისიის ვიზიტთან დაკავშირებით კონცერტი გაიმართა

 
 

ასევე:

  • 20 აპრილს სტუ-ის საესტრადო ორკესტრის პრეზენტაცია გაიმართება
  • სტუ-ის ანსამბლების მონაწილეობით კონცერტი გაიმართა
  • “ილიონი”ნუგზარ აფხაიძის ხსოვნისადმი მიძღვნილ კონცერტს აწყობს
  • სტუ-ში შემოქმედებითი კოლექტივების საანგარიშო კონცერტი ჩატარდება
  • დღეს "პირველი კულტურული ორკესტრის" პრეზენტაცია გაიმართება






  • 

    Wi-Fi
    UMTS
    WiMAX
    CDMA
    EDGE
    Cellular 3,5G
    HSPA
    Mobile WiMAX - 4G
    GSM
    GPRS



      ყველა უფლება დაცულია © Copyright 2009.
    GTU | ელ.ფოსტა: gtunews@gtu.ge