შოთა რუსთაველის სახელობის სახელმწიფო დრამატული თეატრის მისაღებ დარბაზში გაიმართა კულტურის, ძეგლთა დაცვისა და სპორტის სამინისტროსა და ლონდონის კინოსკოლის ორმხრივი მემორანდუმის ხელმოწერა.
მემორანდუმის ფარგლებში საქართველოს კულტურის სამინისტროსა და ლონდონის კინოსკოლას შორის ჩამოყალიბდება მჭიდრო თანამშრომლობა, რაც გულისხმობს კინოსკოლაში წარმატებული და პერსპექტიული ქართველი სტუდენტების სასწავლებლად გაგზავნას. მემორანდუმი ასევე ითვალისწინებს "ქართული ფილმის" მიერ პრესელექციის ბორდის შექმნას, სადაც შევლენ სპეციალისტები და პროფესიონალები, რომლებიც პასუხისმგებლები იქნებიან სტუდენტების შერჩევაზე.
ურთიერთგაგების მემორანდუმს ქართული მხრიდან ხელი მოაწერს კულტურის მინისტრმა ნიკოლოზ რურუამ და "ქართული ფილმის" დირექტორმა, არჩილ გელოვანმა, ხოლო ლონდონის კინოსკოლის მხრიდან დოკუმენტს ხელი მაიკ ლიმ და ბენ გიბსონმა მოაწერეს.