რუსთაველის თეატრში წარმოდგენილი იქნება "რა გვეტყობა, რომ ლტოლვილები ვართ?" » News.GTU.ge



«    აგვისტო 2022    »
ორშსამოთხხუთპარშაბკვ
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
დაგვიკავშირდით

რუსთაველის თეატრში წარმოდგენილი იქნება "რა გვეტყობა, რომ ლტოლვილები ვართ?" კულტურა, სპორტი
6-12-2009, 01:05
/GHN/ 6 დეკემბერს რუსთაველის თეატრი უმასპინძლებს ვერბატიმის პრემიერას სახელწოდებით - "რა გვეტყობა, რომ ლტოლვილები ვართ?!" სპექტაკლი ახალგაზრდა ბრიტანელმა რეჟისორმა ალეკი ბლაითმა დადგა.
წარმოდგენა არის ნაწილი რუსთაველის თეატრის, ნაციონალური თეატრისა და ბრიტანეთის საბჭოს ერთობლივი პროექტისა, სახელწოდებით - თეატრების პარტნიორობა, რომელიც BP-ისა და HSBC BANK GEORGIA -ს ფინანსური მხარდაჭერით ხორციელდება.
ვერბატიმი ლათინური სიტყვაა და ნიშნავს სიტყვა-სიტყვით, ზუსტად. ვერბატიმის წარმოდგენა ინოვაციური თეატრის ფორმაა, სადაც რეჟისორი რეალური ადამიანების საუბარს იწერს მათი შეხედულებების, ემოციებისა და მისწრაფებების შესახებ და მხატვრული ფორმით მიაქვს მაყურებლამდე.
ალეკი ბლაითმა თავისი სპექტაკლისთვის შეარჩია ქართველი დევნილები, რომლებიც იძულებულნი გახდნენ სახლ-კარი მიეტოვებინათ 2008 წლის აგვისტოს ომის გამო. იგი ეწვია გორისა და წეროვანის დევნილთა დასახლებებს და ამ საუბრების საფუძველზე შექმნა შთამბეჭდავი ისტორია, რომელიც ამ ადამიანების იმედებსა და პრობლემებს ასახავს.
"დევნილების შესახებ წარმოდგენის გაკეთება შესანიშნავი შესაძლებლობა იყო, რათა მოგვესმინა მათთვის, ვისი ხმაც არასდროს გაგვიგონია სცენიდან. მაინტერესებს ის სამყარო, რომელსაც გვგონია, რომ კარგად ვიცნობთ საინფორმაციო საშუალებებიდან. მაინტერესებს მათი იმ კუთხით ჩვენება, რომლის შესახებ აქამდე არაფერი ვიცოდით. ვიწერ ინტერვიუებს და რედაქტირებას ვუკეთებ მათ. წარმოდგენის დროს მსახიობები ყურსაცვამებით უსმენენ რედაქტირებულ ინტერვიუებს და ზუსტად იმეორებენ იმას, რაც ესმით. მსახიობები ზუსტად იმეორებენ არა მარტო სიტყვებს, არამედ საუბრის მანერას - იქნება ეს ჩახველება თუ შეყოყმანება. ეს მეთოდი მსახიობს არ აძლევს საშუალებას მეტყველების თავისეულ მანერას მიმართოს. ამით ის მომენტრალურად ქმნის მკვეთრად გამოხატულ ხასიათს", _ აცხადებს ბლაითი.
სპექტაკლის შემდეგ მაყურებელს შესაძლებლობა ექნება, განიხილოს იგი რეჟისორთან და მსახიობებთან ერთად.
 
 

ასევე:

  • ახალგაზრდა ქართველი რეჟისორებისთვის “უორქშოფი” ტარდება
  • რუსთაველის თეატრი ზუგდიდელ მსახიობებს დაეთმობა
  • ახმეტელისა და თუმანიშვილის სახელობის თეატრები ერთობლივ პროექტს წარმოადგენენ
  • კინომსახიობთა თეატრში ტენესი უილიამსის "კამინო რეალის" პრემიერაა
  • რუსთაველის თეატრის დიდ დარბაზში "ვარსკვლავბიჭუნა" იქნება წარმოდგენილი






  • 

    Wi-Fi
    UMTS
    WiMAX
    CDMA
    EDGE
    Cellular 3,5G
    HSPA
    Mobile WiMAX - 4G
    GSM
    GPRS



      ყველა უფლება დაცულია © Copyright 2009.
    GTU | ელ.ფოსტა: gtunews@gtu.ge