/GHN/ საქართველოს კულტურის, ძეგლთა დაცვისა და სპორტის სამინისტრო და საქართველოს ფოლკლორის სახელმწიფო ცენტრი, ფოლკლორის მხარდაჭერის ნაციონალური პროგრამის ფარგლებში, ხალხურ ცეკვაში მასტერკლასებს ატარებენ. მასტერკლასების მიზანია ქართული ხალხური ცეკვის სიწმინდის დაცვა, ცეკვისთვის დამახასიათებელი იშვიათობადქცეული საშემსრულებლო და სადადგმო ხელოვნების ამაღლება, ქორეოგრაფთა და ქორეოლოგთათვის ცოცხალი, უნიკალური მასალის მიწოდება.
პროგრამაში მონაწილეობას მიიღებენ საქართველოს ყველა რაიონის ქორეოგრაფები. გაიმართება პრაქტიკული ჩვენებები და თეორიული სწავლებები.
მასტერკლასებს ჩაატარებენ ცნობილი ქორეოგრაფები: თენგიზ უთმელიძე, ომარ მხეიძე, ფრიდონ სულაბერიძე და უჩა დვალიშვილი.
ღონისძიების ფარგლებში გათვალისწინებულია აჭარის რეგიონის, რაიონების: ხულოს, ქედასა და შუახევის უხუცეს ქორეოგრაფთა ანსამბლების შემოქმედების ჩვენება,
მასტერკლასები ტარდება ბათუმში 8 -იდან 11 დეკემბრის ჩათვლით.