საქართველოს ტექნიკურ უნივერსიტეტის ნ. ნიკოლაძის სახელობის დარბაზში ვილნიუსის მ. რომერისის სახელობის უნივერსიტეტის (ლიტვა) პროფესორმა რომვიდას იასინავიჩუსმა (Rimvydas Jasinavicius) წაიკითხა ლექცია თემაზე: პროგრესული საუნივერსიტეტო განათლების უმთავრესი კომპონენტები.

ლექციას ესწრებოდნენ საქართველოს ტექნიკური უნივერსიტეტის პროფესორ-მასწავლებლები, ადმინისტრაციის წარმომადგენლები და სტუდენტები. იასინავიჩუსმა ისაუბრა იმ სიახლეების შესახებ, რაც ლიტვის საგანმანათლებლო სივრცეში დაინერგა. მან განაცხადა, რომ ლიტვაში ჩამოყალიბდა ახალი უნივერსიტეტი, რომელმაც ერთგვარი რეფორმა განახორციელა. რომვიდას იასინავიჩუსის განცხადებით, ახალი საგანმანათლებლო დაწესებულება უმაღლესი განათლების ხარისხის ამაღლებას ემსახურება, ეს კი უმუშევრობის შემცირებას შეუწყობს ხელს.