25 ოქტომბერს საქართველოს ტექნიკურ უნივერსიტეტში იხსნება საერთაშორისო კონფერენცია IT-ტექნოლოგიებში "First ATLAS South Caucasus Software/Computing Workshop & Tutorial - SCSWT'2010".

კონფერენციას აწყობს ბირთვული კვლევების ევროპული ორგანიზაცია CERN (ჟენევა, შვეიცარია) და მონაწილეობის მისაღებად დაგეგმილია 13 ექსპერტის ჩამოსვლა CERN -იდან:

1. დარიო ბარბერისი, Genoa University and INFN;

2. ჯიმ შანკი, Boston University;

3. ელიზაბეტ გალასი, Oxford University;

4. ბიტ ჰეინემანი, Berkeley National Lab;

5. ალექსეი კლიმენტოვი, Berkeley National Lab;

6. ნურკან ოსტურკი, University of Texas Arlington;

7. ვახტანგ წულაია, Pittsburg University;

8. მარკუს ელსინგი, CERN Switzerland;

9. ლაშა შარმაზანაშვილი, CERN Switzerland;

10. მიგელ ვილაპლანა პერესი, University of Valencia;

11. ჯეიმს უილიამ უოლდერი, Lancaster University;

12. ვახტანგ ქართველიშვილი, Lancaster University;

13. სოლვეიგ ალბრანდი, LPSC Grenoble france.

კონფერენციის მთავარი თემა GRID-სისტემაა. GRID წარმოადგენს მომავლის ინტერნეტს, რომელიც ინფორმაციის გაცვლის თვისობრივად ახალ საშუალებას იძლევა. მისი შექმნა CERB - ში შემთხვევითი არ არის. თავის დროზე აქ შეიქმნა დღევანდელი WWW ინტერნეტიც. CERN თავისი შინაარსით ფიზიკური კვლევებისთვისაა განკუთვნილი, მაგრამ ამ ექსპერიმენტების ჩატარების პირველი ფაზა ყოველთვის ინჟინერიაა. ამიტომ CERN იმავდროულად მოწინავე ორგანიზაციაა მსოფლიოში ტექნოლოგიური ინოვაციების განვითარების მხრივაც.

SCWT'2010 კონფერენციის ჩატარების მთავარი მიზანი არის ის, რომ სამხრეთ კავკასიის რეგიონი არ აღმოჩნდეს მსოფლიო IT ტექნოლოგიური წინსვლის მიღმა.