ეროვნულ არქივში გამოფენა “ექვთიმე თაყაიშვილი" გაიხსნება » News.GTU.ge



«    სექტემბერი 2019    »
ორშსამოთხხუთპარშაბკვ
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
დაგვიკავშირდით

ეროვნულ არქივში გამოფენა “ექვთიმე თაყაიშვილი" გაიხსნება კულტურა, სპორტი
5-11-2009, 02:20
5 ნოემბერს, 13:00 საათზე, იუსტიციის სამინისტროს ეროვნულ არქივში გაიხსნება გამოფენა “ექვთიმე თაყაიშვილი”, რომელიც გამოჩენილი ქართველი ისტორიკოსისა და ეთნოგრაფის წმინდა ექვთიმე ღვთისკაცის ცხოვრებასა და მოღვაწეობას ეხება. გამოფენის ორგანიზატორები არიან საქართველოს ეროვნული არქივი და ექვთიმე თაყაიშვილის სახელობის სამეცნიერო-კულტურული საქველმოქმედო ცენტრი.
ექსპოზიციაზე წარმოდგენილი იქნება მასალა ეროვნული არქივის საისტორიო, უახლესი ისტორიისა და კინოფოტოფონოდოკუმენტების ცენტრალური არქივებიდან, მათ შორის, გურიის ეპარქიის გურიანთის უჩასტკის სოფლის ღვთისმშობლის ეკლესიის 1862 წლის წიგნში ექვთიმე თაყაიშვლის დაბადებისა და ნათლობის შესახებ ჩანაწერები; ქართველთა შორის წერა-კითხვის გამავრცელებელი საზოგადოებაში მისი მოღვაწეობის ამსახველი დოკუმენტები; საქართველოს ისტორიისა და ეთნოგრაფიის ქართული საზოგადოების თავმჯდომარედ მოღვაწეობის თაობაზე მასალა;
აღსანიშნავია ექვთიმე თაყაიშვილის 1920 წლის 12 იანვრის მოხსენება საქართველოს დროებითი მთავრობისადმი საქართველოს ადგილობრივი არქივების ძვირფასი საისტორიო მასალის შესანახად თბილისში ცენტრალური არქივის დაარსების საჭიროების შესახებ. ასევე, ამავე წლის 11 თებერვლის მოხსენება საქართველოს ეროვნული სამხატვრო გალერეის დაარსებისათვის კანონის მიღების შესახებ.
გამოფენაზე ასევე წარმოდგენილი იქნება ექსპონატები, რომლებიც ასახავს ექვთიმე თაყაიშვილის ღვაწლს საქართველოს სახელმწიფო უნივერსიტეტის დაფუძნების საქმეში. ექსპოზიციის არაერთი მასალა ეხება ექვთიმე თაყაიშვილის მიერ საქართველოს რეგიონებში ძვირფასი ეთნოგრაფიული მასალის მოძიებას.
გამოფენისთვის კინოარქივიდან და ფოტოარქივიდან შეირჩა კადრები და ფოტოები, რომლებიც ექვთიმე თაყაიშვილის ცხოვრებისა და მოღვაწეობის სხვადასხვა პერიოდს ასახავს.
გამოფენა ორ კვირას გაგრძელდება. დათვალიერება თავისუფალია.
 
 

ასევე:

  • სტუ-ში ექვთიმე თაყაიშვილის იუბილესადმი მიძღვნილი კონფერენცია გაიხსნა
  • ექვთიმე თაყაიშვილის იუბილესადმი მიძღვნილი კვირეული ტარდება
  • დღეს წმიდა ექვთიმე ღვთისკაცის (თაყაიშვილი) ხსენების დღე აღინიშნება
  • ხელოვნების მუზეუმში ქართველი ებრაელების ისტორიისა და კულტურის ამსახველი გამოფენა გაიხსნება
  • ეროვნულ არქივში გამოფენა "ვახტანგ VI" გაიხსნება






  • 

    Wi-Fi
    UMTS
    WiMAX
    CDMA
    EDGE
    Cellular 3,5G
    HSPA
    Mobile WiMAX - 4G
    GSM
    GPRS



      ყველა უფლება დაცულია © Copyright 2009.
    GTU | ელ.ფოსტა: gtunews@gtu.ge