ერთიანი ეროვნული გამოცდების სერტიფიკატის გაცემის ვალდებულება უქმდება. შესაბამისი ცვლილება უმაღლესი განათლების შესახებ საქართველოს კანონში შედის, რომლის ავტორი განათლებისა და მეცნიერების სამინისტროა.

მოქმედი კანონმდებლობით, გამოცდების ჩაბარების შემთხვევაში პირს ერთიანი ეროვნული გამოცდების გავლის დამადასტურებელი სერტიფიკატი მიღებული ქულის მითითებით ეძლევა. მასში მითითებულია, მოიპოვა თუ არა აბიტურიენტმა სასწავლო გრანტი და მისი ადგილი ფაკულტეტზე გაგზავნილ სიაში.

აბიტურიენტი სერტიფიკატს იმ ფაკულტეტს ან ფაკულტეტებს წარუდგენს, რომელზედაც მან სწავლის გაგრძელების უფლება მოიპოვა.

ახალი კანონპროექტით კი ასეთი ვალდებულება უქმდება. კანონპროექტის თანდართულ განმარტებით ბარათში აღნიშნულია, რომ ეს სერტიფიკატი თავის მოვალოებას არ ასრულებს.