![სტუ-ში პაატა ბურჭულაძესთან შეხვედრა გაიმართა სტუ-ში პაატა ბურჭულაძესთან შეხვედრა გაიმართა](http://news.gtu.ge/uploads/posts/2011-05/1305105563_untitled-1.gif)
საქართველოს ტექნიკური უნივერსიტეტის ადმინისტრაციული კორპუსის მცირე სააქტო დარბაზში, სტუ-ის სტუდენტური თვითმმართველობის ინიციატივით, გაიმართა შეხვედრა საოპერო მომღერალთან, ფონდ "იავნანას" პრეზიდენტ პაატა ბურჭულაძესთან.
შეხვედრის მიზანი იყო, სტუდენტებისთვის მიეწოდებინათ ინფორმაცია ივერიის ღვთისმშობლის ხატის სახელობის ტაძრის მშენებლობის შესახებ. სრულიად საქართველოს კათალიკოს-პატრიარქის, მცხეთა-თბილისისა მთავარეპისკოპოსის, ბიჭვინთისა და ცხუმ-აფხაზეთის მიტროპოლიტ ილია მეორის ლოცვა-კურთხევით, თბილისში, მახათას მთაზე, იწყება ივერიის ღვთისმშობლის ხატის სახელობის ტაძრის მშენებლობა.
შეხვედრაზე სტუ-ის სტუდენტური თვითმმართველობამ აღნიშნულ მშენებლობასთან დაკავშირებით გაახმოვანა თავისი ინიციატივა, რომელიც საინტერესო აღმოჩნდა სტუდენტებისთვის. სტუდენტთა სლოგანია: “ამ ტაძარს მე და შენ ავაშენებთ მთელ საქართველოსთან ერთად”.
![სტუ-ში პაატა ბურჭულაძესთან შეხვედრა გაიმართა სტუ-ში პაატა ბურჭულაძესთან შეხვედრა გაიმართა](http://news.gtu.ge/uploads/posts/2011-05/1305105598_n.gif)