14-15 ნოემბერს საქართველოს ტექნიკური უნივერსიტეტის თეოლოგიის სასწავლო-სამეცნიერო ცენტრის დაარსების 10 წლის იუბილესთან დაკავშირებით, გაიმართება საერთაშორისო სამეცნიერო კონფერენცია თემაზე: "წარსული მკვიდრი საძირკველია აწმყოსი, როგორც აწმყო – მომავალისა" (ილია მართალი).

კონფერენციის მუშაობა წარიმართება შემდეგი მიმართულებებით:1. საქართველოს სამოციქულო ეკლესია და ქართული სახელმწიფოებრიობა; 2. ქართველთა ეთნოგენეზისი და ქართული სახელმწიფოებრიობის სათავეები; 3. ისტორიული გეოგრაფია; 4. ბრძოლა სახელმწიფოებრიობის აღდგენისა და დამოუკიდებლობისათვის; 5. ეთნოსებთან ერთად ცხოვრების გამოცდილება (ტოლერანტობა); 6. კულტურა (ტრადიციები, ღირებულებები).

კონფერენციის სამუშაო ენები: ქართული, ინგლისური, რუსული.მოხსენების რეგლამენტი 15 წთ.

მოხსენებები მიიღება 2011 წლის 20 ივნისიდან 30 სექტემბრამდე. ნაშრომის გაფორმების წესი: ნაშრომი სრულდება A4 ფორმატის 1,5 ნაბეჭდი ტექსტი, მინდვრები 2 სმ, სტატია შესრულებული უნდა იყოს DOC ფაილის სახით (MS-Word) ჩაწერილი. ქართული ტექსტისათვის AcadNusx, ზომა 11, ინგლისური და რუსული ტექსტები Times New Roman, ზომა 11. ფოტოების და სხვა გრაფიკული გამოსახულების კომპიუტერული ვარიანტი შესრულებული უნდა იყოს JPG ფორმატში.
განაცხადს თან უნდა ახლდეს: მომხსენებლის გვარი, სახელი, მამის სახელი, სამეცნიერო ხარისხი, სამუშაო ადგილი; ტელეფონის ნომერი, ელექტრონული ფოსტის მისამართი; მოთხოვნა აუდიო-ვიზუალურ უზრუნველყოფასთან დაკავშირებით (პროექტორი, ლეპტოპი და ა.შ).

სტატიის მოცულობა - არა უმეტეს 5 გვერდისა, გამოყენებული ლიტერატურით, თან უნდა ახლდეს რეზიუმე ქართულ, ინგლისურ და რუსულ ენებზე.
კონფერენციაში მონაწილეობის მსურველებმა განაცხადი და მოხსენებები გამოაგზავნეთ ელექტრონული ფოსტით მისამართზე: teologiiscentri@gmail.com

მსურველებმაუნდა წარმოადგინონ მოხსენების ელექტრონული ვერსია CD დისკზე და მისი ამონაბეჭდი ასლი.საორგანიზაციო კომიტეტის მისამართი: ქ.თბილისი, კოსტავას 77, სტუ-ს ადმინისტრაციული კორპუსი, მე-2 სართული, ტელეფონი: 236-54-10.
საკონტაქტო პირი: მაია გურამიშვილი, 893-26-67-61.