6 ოქტომბერს, ხანგრძლივი ავადმყოფობის შემდეგ, 77 წლის ასაკში, ქართველი მომღერალი, კომპოზიტორი, პოეტი, თბილისის კოლორიტი ოტარ რამიშვილი გარდაიცვალა.

რამიშვილი 1934 წლის 24 ოქტომბერს დაიბადა. მის მიერ დაწერილი და შესრულებული ცნობილი ჰიტებია „ფუტკარი“, „რიჟრაჟი“, „ბულბულის სტვენა“, „მარტის თვეა შენი“, „თბილისო“ და სხვ.. რამიშვილის ქალაქური სიმღერები, გიტარაზე შესრულების სტილი და მანერა გამორჩეული პოპულარობით სარგებლობდა გასული საუკუნის 70-იანი წლებიდან მოყოლებული.

2009 წელს ოთარ რამიშვილს მიენიჭა თბილისის საპატიო მოქალაქის წოდება.

მუსიკოსს დიდუბის პანთეონში დაკრძალავენ.