2012 წლის გამოცდებისთვის მოსამზადებელი დამხმარე სახელმძღვანელოები გამოიცა. გამოცდებისთვის განკუთვნილი დამხმარე სახელმძღვანელოების შეძენა მსურველებს წიგნის მაღაზიებში შეუძლიათ, რომელთა ნუსხა გამოცდების ეროვნული ცენტრის ვებგევრდზეა (www.naec.ge) განთავსებული. მასწავლებლის ბიბლიოთეკის ეგიდით გამოცემულ და საერთაშორისო თუ ეროვნული შეფასებების შესახებ გამოსულ გამოცემებს კი მოქალაქეები საქართველოს ფოსტის მეშვეობით შეიძენენ. ამისათვის მოქალაქემ უნდა დარეკოს (ან მიბრძანდეს) საქართველოს ფოსტის უახლოეს ოფისში და სასურველი გამოცემები შეუკვეთოს.
დამხმარე სახელმძღვანელოების გაცნობასა და შეძენას მოქალაქეები გამოცდების ეროვნული ცენტრის მიერ დაგეგმილი ერთდღიანი ფორუმის ფარგლებში მოწყობილ გამოფენაზედაც შეძლებენ. დაინტერესებულ პირებს საგნობრივი ჯგუფების წარმომადგენლებთან გასაუბრების შესაძლებლობაც ექნებათ.
ცენტრის მიერ მომზადებული დამხმარე სახელმძღვანელოები როგორც აბიტურიენტებისათვის, ისე პედაგოგებისა და მაგისტრობის კანდიდატთათვის, ყოველწლიურად გამოდის.
