21 აპრილს თბილისში, დიდუბის მძლეოსნობის დარბაზში, დასრულდა საქართველოს ჩემპიონატი კიკბოქსინგში (ღია რინგი), სადაც თბილისის, გორის, ქარელისა და ხაშურის გუნდები ასპარეზობდნენ.

ტურნირში საქართველოს ტექნიკური უნივერსიტეტის ორთაბრძოლების კლუბის სპორტსმენებმაც მიიღეს მონაწილეობა (პრეზიდენტი რეზო ქელდიშვილი). აღსანიშნავია, რომ კლუბის ორმა წარმომადგენელმა - საქართველოს ტექნიკური უნივერსიტეტის სტუდენტმა ლევან ცხადაიამ 55კგ წონით კატეგორიაში და დაცვის თანამშრომელმა გიორგი ჭილავამ 71კგ წონით კატეგორიაში გამარჯვება მოიპოვეს.

სტუ-ის ორთაბრძოლების კლუბის სპორტსმენები განაგრძობენ ვარჯიშს და სხვადასხვა საერთაშორისო თუ ადგილობრივი შეჯიბრებისთვის ემზდებიან.