საქართველოს ტექნიკური უნივერსიტეტის ორთაბრძოლების კლუბის სპორტსმენებმა აზერბაიჯანში გამართულ შეჯიბრებაში წარმატებას მიაღწიეს. სარეიტინგო პროფესიული ორთაბრძოლები კიკბოქსინგში, კერძოდ k-1-ში, აზერბაიჯანში, ქ. ბაქოში, 27 აპრილს გაიმართა.
ორთაბრძოლებში მონაწილეობდნენ გერმანიის, აზერბაიჯანის, ჰოლანდიისა და საქართველოს წარმომადგენლები. მძიმე წონაში თავი გამოიჩინა მოასპარეზე გიგა კუხალაშვილმა, რომელმაც ღირსეულად დაამარცხა ჰოლანდიელი სპორტსმენი შკელქინ ადემაჯი. მსუბუქ წონაში საქართველოდან ასევე მონაწილეობდა ლევან ცხადაია (აზიის ქამრის მოსაპოვებელ ორთაბრძოლაში). იგი ქულების მცირე რაოდენობით დამარცხდა.
დელეგაციას ხელმძღვანელობდა საქართველოს ტექნიკური უნივერსიტეტის ორთაბრძოლების კლუბის პრეზიდენტი რევაზ ქელდიშვილი. მისი განცხადებით, ქართველი სპორტსმენები ემზადებიან შემდეგი შეჯიბრებებისთვის.
