ტექნიკური უნივერსიტეტის საბრძოლო კლუბის წევრებმა საერთაშორისო ტურნირში გაიმარჯვეს. საერთაშორისო ტურნირი კიკ ბოქსინგსა და შერეულ ორთაბრძოლებში თბილისში, დკდ-ის დარბაზში ჩატარდა. შეჯიბრებაში მონაწილებდა სტუ-ის საბრძოლო კლუბიც (კლუბის პრეზიდენტი რევაზ ქელდიშვილი). კლუბის წევრებმა - ლევან ცხადაიამ და ვალერი ბოჭორიშვილმა, გამარჯვება მოიპოვეს და ტურნირის ჩემპიონები გახდნენ.

60 კგ წონით კატეგორიაში ლევან ცხადაიამ დაამარცხა ორი სპორტსმენი და ოქროს მედალს დაეუფლა. ვალერი ბოჭორიშვილი ჩემპიონი გახდა -90 კგ წონით კატეგორიაში.

სტუ-ის სტუდენტის, სტუ-ის საბრძოლო კლუბის წევრის, ლევან ცხადაიასთვის ეს უკვე მესამე ოქროს მედალია (სხვადასხვა ტურნირში მოპოვებული). სტუ-ის საბრძოლო კლუბი მიწვეულია სხვადასხვა შეჯიბრებაში მონაწილეობის მისაღებად.