თბილისში ეროვნული საგანმანათლებლო კონფერენცია გაიმართება » News.GTU.ge



«    სექტემბერი 2019    »
ორშსამოთხხუთპარშაბკვ
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
დაგვიკავშირდით

თბილისში ეროვნული საგანმანათლებლო კონფერენცია გაიმართება სიახლე
18-12-2009, 00:13
19-20 დეკემბერს თბილისში, სასტუმრო "შერატონ მეტეხი პალასში", გაიმართება მეორე ეროვნული საგანმანათლებლო კონფერენცია, რომლის ორგანიზატორია გამოცდების ეროვნული ცენტრი. კონფერენციის თემაა "შეფასება განათლების ხარისხის გასაუმჯობესებლად - საგანმანათლებლო შეფასების სისტემები საქართველოში".
გამოცდების ეროვნული ცენტრის ინიციატივით, 2008 წლიდან ყოველწლიურად ტარდება ეროვნული საგანმანათლებლო კონფერენცია, რომელიც განათლების სისტემის განვითარებისათვის მნიშვნელოვანი საკითხების განხილვას ეთმობა. 2008 წელს კონფერენციის თემა იყო "საერთაშორისო საგანმანათლებლო კვლევები საქართველოში - რეალობა და ინიციატივები".
წლევანდელ კონფერენციაზე გამოცდების ეროვნული ცენტრი თავისი საქმიანობის ანგარიშს წარუდგენს კონფერენციის მონაწილეებს. 2009 წელს მეხუთედ ჩატარდა ერთიანი ეროვნული გამოცდები, პირველად - საერთო სამაგისტრო გამოცდა და ეროვნული სასწავლო ოლიმპიადა; საქართველო კიდევ ერთ საერთაშორისო კვლევაში (PISA) ჩაერთო.
კონფერენციის საკვანძო საკითხი კი 2010 წლის ზაფხულისათვის დაგეგმილი პედაგოგთა სასერტიფიკაციო გამოცდები იქნება.
კონფერენციას გახსნის განათლებისა და მეცნიერების მინისტრი დიმიტრი შაშკინი.
კონფერენციის მუშაობაში მონაწილეობას მიიღებენ განათლების სისტემის, სკოლების, არასამთავრობო, საერთაშორისო ორგანიზაციების წარმომადგენლები. ასევე ის უმაღლესი საგანმანათლებლო დაწესებულებები, რომლებიც მომავალ პედაგოგებს ზრდიან.
 
 

ასევე:

  • გამოცდების ეროვნული ცენტრი GEO-CAT-ს საერთაშორისო კონფერენციაზე წარადგენს
  • დიმიტრი შაშკინი შეფასების ცენტრის საქმიანობის ანგარიშს დაესწრება
  • გამოცდების ეროვნული ცენტრი სემინარს გამართავს
  • ეროვნული ოლიმპიადის ტურებს გამოცდების ეროვნული ცენტრი ჩაატარებს
  • ირინე ქურდაძე პროფესიული განათლების რეფორმის სტრატეგიის განხორციელების ანგარიშს წარადგენს






  • 

    Wi-Fi
    UMTS
    WiMAX
    CDMA
    EDGE
    Cellular 3,5G
    HSPA
    Mobile WiMAX - 4G
    GSM
    GPRS



      ყველა უფლება დაცულია © Copyright 2009.
    GTU | ელ.ფოსტა: gtunews@gtu.ge