სურსათის უვნებლობის, ვეეტერინარიისა და მცენარეთა დაცვის ეროვნული სამსახური ცოფის საწინააღმდეგო პროფილაქტიკურ ვაქციანაციას ახორციელებს.

აღნიშნულ ღონისძიებას ეროვნული სამსახურის უფროსი მაია მეტრეველი თავად დაესწრო. მისი თქმით, ” აცრები მთელი ქვეყნის მასშტაბით მიმდინარეობს. 2009 წელს ქვეყანაში სახელმწიფო პროგრამით გათვალისწინებულია 150000 სული ძაღლისა და კატის პროფილაქტიკური ვაქცინაცია. აღნიშნულ ღონისძიებაში ეროვნული სამსახურის ვეტერინარ ექიმებთან ერთად საქართველოს აგრარული უნივერსიტეტის ასპირანტებიც იღებენ მონაწილეობას ”.

დღეის მდგომარეობით, ცოფის დაავადების გამოვლინებისა და გავრცელების მაღალი რისკის ზონებში ვაქცინირებულია 92 131 სული სასოფლო-სამეურნეო და შინაური ცხოველი. მათ შორის : 80 381 სული ძაღლი და კატა, 9 068 სული მსხვილფეხა და 2 079 სული წვრილფეხა პირუტყვი, 392 სული ღორი და 211 სული კენტჩლიქიანი ცხოველი.