4 ივნისს, 10:30 საათზე, საქართველოს ტექნიკურ უნივერსიტეტში გაიხსნა ტემპუსის პროექტის სემინარი თემაზე “უნივერსიტეტის თანამშრომლობა წარმოებასთან – მიღებული გამოცდილებიდან სტრატეგიის დამუშავებამდე“.

შეხვედრა სტუ-ის რექტორის მოადგილემ სასწავლო დარგში, ლევან კლიმიაშვილმა გახსნა. მან აღნიშნა, რომ პროექტის განხორცილებისთვის ყველა მიმართულებით წარიმართება მუშაობა – აღიჭურვება პროექტისთვის გამოყოფილი საოფისე ფართები და უზრუნველყოფილი იქნება პროექტის ხელშეწყობა ყველა მიმართულებით.

სტუ-ის საერთაშორისო ურთიერთობათა და სტანდარტების სამსახურის უფროსმა, ოთარ ზუმბურიძემ ჩამოსულ სტუმრებს მადლობა გადაუხადა და პროექტის მონაწილეებს წარმატება უსურვა.

სიტყვით გამოვიდა პროფესორი ალექსანდრე ედიბერიძე, ასევე, უცხოელი სტუმრები, რომლებმაც პროექტის მნიშვნელობაზე ისაუბრეს.

სემინარი ტემპუსის პროექტის – Cap4Com – ფარგლებში ტარდება.