|
18-09-2013, 15:12
საქართველოს ტექნიკურ უნივერსიტეტში, მილენიუმის განვითარების პროგრამის ფარგლებში, სტუმრად იმყოფება მიჩიგანისა და მისურის უნივერსიტეტების პროფესორთა ჯგუფი.
ვიზიტის ფარგლებში, ამერიკელი სტუმრები სამშენებლო და გარემოსდაცვის საინჟინრო პროგრამებთან დაკავშირებით, ხვდებიან საქართველოს ტექნიკური უნივერსიტეტის რექტორს, ფაკულტეტების დეკანებს, დეპარტამენტების ხელმძღვანელებს, აკადემიურ პერსონალს, სტუდენტებს. ამერიკული დელეგაციის წარმომადგენლები ათვალიერებენ საინჟინრო ლაბორატორიებსა და შესაბამის აღჭურვილობებს, რომლებიც გამოიყენება სხვადასხვა სახის სასოფლო-საინჟინრო, ბიოსაინჟინრო, კვების მრეწველობის განვითარების, შეფუთვის, ელექტროტექნიკისა და კომპიუტერული ინჟინერინგის მიმართულებით.
ამერიკელი მეცნიერები საქართველოს 16 სექტემბერს ეწვივნენ და 20 სექტემბერს დატოვებენ. |
|
