სტუ-ში დასრულდა "შემოდგომის ლექციები თბილისში" » News.GTU.ge



«    სექტემბერი 2017    »
ორშსამოთხხუთპარშაბკვ
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
დაგვიკავშირდით

სტუ-ში დასრულდა "შემოდგომის ლექციები თბილისში" სტუ
6-11-2013, 14:47
სტუ-ში დასრულდა "შემოდგომის ლექციები თბილისში"საქართველოს ტექნიკურ უნივერსიტეტში საქართველო-გერმანიის სამეცნიერო ხიდის ფარგლებში ჩატარდა „შემოდგომის ლექციები თბილისში", რომლის თემატიკაც მოიცავდა ბირთვული ფიზიკისა და სამედიცინო ფიზიკის სფეროებს. ღონისძიება 15-26 ოქტომბერს ჩატარდა.

საქართველოს ტექნიკური უნივერსიტეტის ადმინისტრაციულ კორპუსში შედგა პროექტის საზეიმო გახსნა და ხელი მოეწერა მემორანდუმს, ერთი მხრივ, ნეირომეცნიერებისა და მედიცინის ინსტიტუტს და, მეორე მხრივ, საქართველოს ტექნიკურ უნივერსიტეტს შორის და ხელშეკრულებას, რომლის თანახმად, იულიხის სამეცნიერო-კვლევითი ცენტრი საქართველოს ტექნიკურ უნივერსიტეტს გადასცემს ტექნიკურ აღჭურვილობასა და ლაბორატორიას. შეხვედრა სტუ-ს რექტორმა აკად. არჩილ ფრანგიშვილმა გახსნა.მან დამსწრე საზოგადოებას წარუდგინა გერმანელი სტუმრები: იულიხის სამეცნიერო-კვლევითი ცენტრის ბირთვული ფიზიკის ინსტიტუტის დირექტორი ჰანს შტროერი, ნეირომედიცინისა და მედიცინის ინსტიტუტის დირექტორი ნადიმ ჯონ შა, ბირთვული ფიზიკის ინსტიტუტის თანამშრომლები დეტლევ გოტა,მარკუს ბუშერი, ანდრო კაჭარავა და მადლობა გადაუხადა მათ საქართველოში ჩამოსვლისათვის. საქართველოს განათლებისა და მეცნიერების მინისტრმა თამარ სანიკიძემ სტუმრებს მადლობა გადაუხადა და იმედი გამოთქვა, რომ თანამშრომლობა მომავალშიც გაგრძელდება.

პროექტის საზეიმო გახსნის შემდგომ მოწვეულმა სტუმრებმა გადაინაცვლეს სტუ-ს მეოთხე კორპუსში, საინჟინრო ფიზიკის დეპარტამენტში, სადაც ყოველდღიურად ტარდებოდა ლექციები და პრაქტიკული მეცადინეობები.პროექტში მონაწილეობდა სტუ-ს საინჟინრო ფიზიკის პროგრამის 26 სტუდენტი, თსუ-ს საბუნებისმეტყველო ფაკულტეტის 4 სტუდენტი,ილიას სახელობის უნივერსიტეტის 2 სტუდენტი, ნეაპოლის უნივერსიტეტის დოქტორანტი და იულიხის სამეცნიერო ცენტრის 2 დოქტორანტი.
პროექტის ბოლოს მონაწილეებს გადაეცათ სერტიფიკატები. წარმატებულნი - მე-3 კურსის სტუდენტები მიხეილ კელენჯერიძე და დიმიტრი კოლოტაური, მე-4 კურსის სტუდენტები დიტო შერგელაშვილი და თამარ ხეჩიაშვილი და მე-2 კურსის სტუდენტი გოგა კაკაბაძე - 20 ნოემბრიდან 20 დეკემბრამდე სტაჟირებას გაივლიან იულიხის სამეცნიერო-კვლევითი ცენტრის ბირთვული ფიზიკის ინსტიტუტში და ნეირომეცნიერებისა და მედიცინის ინსტიტუტში.
 
 

ასევე:

  • სტუ-ში ტარდება “შემოდგომის ლექციები თბილისში“
  • სტუ-ის სტუდენტები სტაჟირებას იულიხის სამეცნიერო-კვლევით ცენტრში გაივლიან
  • იწყება ლექციების კურსი „შემოდგომის ლექციები თბილისში - 2“
  • სტუ-სა და იულიხის ცენტრის ინსტიტუტებს შორის მემორანდუმები გაფორმდა
  • იულიხის კვლევით ცენტრთან სტრატეგიული თანამშრომლობის ხელშეკრულება გაფორმდა






  • 

    Wi-Fi
    UMTS
    WiMAX
    CDMA
    EDGE
    Cellular 3,5G
    HSPA
    Mobile WiMAX - 4G
    GSM
    GPRS



      ყველა უფლება დაცულია © Copyright 2009.
    GTU | ელ.ფოსტა: gtunews@gtu.ge