აზერბაიჯანელი პროფესორი სტუ-ის ქართული ენის მოსამზადებელი ჯგუფების სტუდენტებს შეხვდა » News.GTU.ge



«    ივნისი 2023    »
ორშსამოთხხუთპარშაბკვ
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
დაგვიკავშირდით

აზერბაიჯანელი პროფესორი სტუ-ის ქართული ენის მოსამზადებელი ჯგუფების სტუდენტებს შეხვდა სტუ
26-03-2014, 17:46
აზერბაიჯანელი პროფესორი სტუ-ის ქართული ენის მოსამზადებელი ჯგუფების სტუდენტებს შეხვდა აზერბაიჯანის სლავისტიკის უნივერსიტეტის პროფესორი, საქართველოს პედაგოგიკის მეცნიერებათა აკადემიის აკადემიკოსი ჩინგიზ ბედალოვი საქართველოს ტექნიკური უნივერსიტეტის ბიზნეს-ინჟინერინგის ფაკულტეტზე ქართული ენის მოსამზადებელი ჯგუფების სტუდენტებს შეხვდა.

ღონისძიებას ესწრებოდნენ საქართველოს ტექნიკური უნივერსიტეტის ქართული ფილოლოგიისა და მედიატექნოლოგიების დეპარტამენტის ხელმძღვანელი თემურ ჯაგოდნიშვილი, რუსული ენის, ლიტერატურისა და ჟურნალისტიკის მიმართულების ხელმძღვანელი ბორის იმნაძე და ის პროფესორ-მასწავლებლები, რომლებიც მოსამზადებელი ჯგუფების აზერბაიჯანულენოვან სტუდენტებს ქართულ ენას ასწავლიან.

ჩინგიზ ბედალოვი ჩვენს ქვეყანაში ჩამოსულია იმ ხელშეკრულების საფუძველზე, რომელიც გაფორმებულია საქართველოს ტექნიკურ უნივერსიტეტსა და ბაქოს პედაგოგთა კვალიფიკაციის ამაღლებისა და გადამზადების სახელმწიფო ინსტიტუტს შორის. ვიზიტის მიზანი ქართულ ენაში მომზადების საგანმანათლებლო პროგრამის ფარგლებში სწავლების ინტერნაციონალიზაციის პროექტის რეალიზებაა. ოფიციალურად მისი ტრეინინგები და შეხვედრები ქართველ კოლეგებთან ჩატარდება მიმდინარე სასწავლო წლის 27 მარტიდან 3 აპრილის ჩათვლით.

28 მარტს შედგება პროფესორ ჩინგის ბედალოვის შეხვედრა იმ ქართველ პროფესორებთან, რომელნიც მეცადინეობებს ატარებენ აზერბაიჯანულენოვან სტუდენტებთან.

საქართველოს ტექნიკური უნივერსიტეტის ბიზნეს-ინჟინერინგის ფაკულტეტზე, ქართული ენის მოსამზადებელ ჯგუფებში 155 ახალგაზრდა სწავლობს. კურსის გავლის შემდეგ ისინი სხვადასხვა ფაკულტეტის სტუდენტები გახდებიან. აღნიშნული პროექტი საქართველოში რამდენიმე წელია ხორციელდება. პროგრამის მიზანია, მოამზადოს არაქართულენოვანი სტუდენტები ენობრივად საერთო ევროპული სარეკომენდაციო ჩარჩოს შესაბამისად, ისე, რომ მათ შეძლონ შესაძლო საბაკალავრო საფეხურის სასურველ პროგრამაზე სწავლის გაგრძელება, ლექცია-სემინარების ქართულ ენაზე გაგება და სასწავლო მასალის ათვისება; დაეხმაროს არაქართულენოვან სტუდენტებს, შეძლონ ინტეგრირება უნივერსიტეტის სასწავლო გარემოში, რათა მათ იგრძნონ თავი უნივერსიტეტის სრულფასოვან წევრებად და აქტიური მონაწილეობა მიიღონ სტუდენტურ ცხოვრებაში.
აზერბაიჯანელი პროფესორი სტუ-ის ქართული ენის მოსამზადებელი ჯგუფების სტუდენტებს შეხვდა
 
 

ასევე:

  • აზერბაიჯანელი პროფესორი სტუ-ში პროფესორ-მასწავლებლებს შეხვდა
  • ქართული ენის მოსამზადებელი ჯგუფების სტუდენტებთან შეხვედრა გაიმართა
  • "აქტიური ახალგაზრდების კლუბმა" ჩაატარა თამაში “რა? სად? როდის?“
  • ვილნიუსში ქართული ენის შემსწავლელი ცენტრი გაიხსნება
  • ვილნიუსში ქართული ენის შემსწავლელი ცენტრი გაიხსნა






  • 

    Wi-Fi
    UMTS
    WiMAX
    CDMA
    EDGE
    Cellular 3,5G
    HSPA
    Mobile WiMAX - 4G
    GSM
    GPRS



      ყველა უფლება დაცულია © Copyright 2009.
    GTU | ელ.ფოსტა: gtunews@gtu.ge