მცირე საოპერო თეატრი "რეგიონ ოპერა" სადებიუტო სპექტაკლი პრემიერისთვის ემზადება. ოპერის მიზანი საქართველოს რეგიონებში კლასიკური მუსიკის გაცნობა-პროპაგანდაა. იგი პირველ სეზონს ზაქარია ფალიაშვილის „დაისით“ ხსნის, რომელიც 25 თებერვალს, 19:00 საათზე, საქართველოს ტექნიკური უნივერსიტეტის სააქტო დარბაზში გაიმართება.

3-მოქმედებიან წარმოდგენაში უფროსი თაობის პროფესიონალ საოპერო მომღერლებთან ერთად ახალგაზრდებიც მიირებენ მონაწილეობას. ასევე, ზ.ფალიაშვილის სახელობის ოპერისა და ბალეტის სახელმწიფო თეატრის ორკესტრი, გუნდი: ტექნიკური უნივერსიტეტის ვაჟთა ვოკალური ანსამბლი „ქართები“, ტექნიკური უნივერსიტეტის ქალთა ვოკალური ანსამბლი „ქალდეა“ და ნაციონალური ბალეტი, ტექნიკური უნივერსიტეტის ქორეოგრაფიული ანსამბლი „მერანი".

მოქმედი პირები და შემსრულებლები :
მარო - ირმა ხუროშვილი (დებიუტი)
მალხაზი - არმაზ დარაშვილი (საერთაშორისო კონკურსების ლაურეატი)
კიაზო - ზურაბ ბუხრაძე ( საერთაშორისო კონკურსების ლაურეატი)
ცანგალა - იოსებ დარბაიძე (დებიუტი)
ნ ა ნ ო - ელენე ჯანჯალია (საერათაშორისო კონკურსების ლაურეატი)
ტიტო - ალექსანდრე დეკანოიძე
ამირანი (გივი) - გელა ჩახვაძე
თბილისის ზ.ფალიაშვილის ოპერისა და ბალეტის სახელმწიფო თეატრის ორკესტრი
ვაჟთა გუნდი „ქართები“ - ხელმძღვანელი გიორგი საძაგლიშვილი
ქალთა გუნდი „ქალდეა“ – ხელმძღვანელი ზვიად ბერიაშვილი
ნაციონალური ბალეტი, ანსამბლი „მერანი“ – ხელმძღვანელები თამაზ კობახიძე და ნინო ლაზიშვილი
დამდგმელი დირიჟორი - ირაკლი ჩოლოყაშვილი
დირიჟორი - გიორგი საძაგლიშვილი
დამდგმელი რეჟისორები - ლევან წიქვაძე, თეიმურაზ გვალია
ქორმაისტერი - ზვიად ბერიაშვილი
მხატვარი - ანანო დოლიძე
მხატვარ-შემსრულებლები - ელგუჯა ხამხაძე
მთავარი კონცერტმეისტერი - ნანა ბახტაძე
კონცერტმეისტერი - ზაზა პატარიძე
დამდგმელი ქორეოგრაფი - მაია დარჩიაშვილი
სპექტაკლის წამყვანი - დავით ჩაკაბერია
მუსიკალური კონსულტანტები- ვადიმ შუბლაძე (ხელოვნების დამსახურებული მოღვაწე) და ანზორ შომახია (საქართველოს სახალხო არტისტი)
თეატრის დირექტორი - გოჩა ბაღაშვილი
თეატრის სამხატვრო ხელმძღვანელი - ზურაბ ბუხრაძე

სპექტაკლი თბილისის მერიის კულტურულ ღონისძიებათა ცენტრის მხარდაჭერით ხორციელდება.

საქართველოში მეორე საოპერო თეატრი “რეგიონ ოპერა” ორი წლის წინ დაარსდა. მისი მიზანია ქართული, მივიწყებული ოპერის აღდგენა.