20 აპრილს, 13:00 საათზე, საქართველოს ტექნიკური უნივერსიტეტის შეხვედრების ოთახში გაიმართება საინფორმაციო შეხვედრა, სადაც ტალინის ტექნოლოგიური უნივერსიტეტის (ესტონეთი) საერთაშორისო პროგრამების მარკეტინგის მენეჯერი კეიტ კიისელი ტექნიკური უნივერსიტეტის სტუდენტებს გააცნობს ესტონეთსა და ტალინის ტექნოლოგიურ უნივერსიტეტს, რომელიც ერთ-ერთი უდიდესი საგანმანათლებლო დაწესებულებაა ქვეყანაში.

შეხვედრაზე განხილული იქნება სტუდენტებისთვის სასწავლო პროცესთან დაკავშირებული მნიშვნელოვანი საკითხები, წარმოდგენილი იქნება ესტონურ უნივერსიტეტში არსებული ინგლისურენოვანი საგანმანათლებლო პროგრამები ბაკალავრებისა და მაგისტრებისთვის, მათ შორის უფასო სამაგისტრო პროგრამები.