„საზოგადოებრივი კვლევის ცენტრი", ფრიდრიხ ებერტის ფონდის მხარდაჭერით ახორციელებს პროექტს - ''ინდუსტრიალიზაცია საქართველოს განვითარებისთვის", რომლის ფარგლებშიც აცხადებს ესეების კონკურსს თემაზე - "ინდუსტრიალიზაციისა და განვითარების პერსპექტივები საქართველოში".

კონკურსის მიზანია, გამოავლინოს საქართველოში ინდუსტრიალიზაციის საკითხით დაინტერესებული პირები და შეარჩიოს საუკეთესო ესე/პროექტი. კონკურსის დროს მიიღება ნაშრომები როგორც ინდუსტრიალიზაციის მნიშვნელობის პოლიტიკური ანალიზის შესახებ, ასევე, კონკრეტული ინდუსტრიული პროექტების აღწერილობა.

შეირჩევა 3 გამარჯვებული. გამარჯვებულ ნაშრომებს გამოავლენს დარგის ექსპერტთაგან დაკომპლექტებული ჯგუფი. კონკურსის შემდგომ მოხდება გამარჯვებულ პროექტთა პრეზენტაცია თბილისის ორ უნივერსიტეტში. კონკურსის გამარჯვებულები მიიღებენ სიმბოლურ ანაზღაურებას (460 ლარი, დასაბეგრი) ნაშრომების პრეზენტაციისთვის.

ესეების/პროექტების წარმოდგენის ბოლო ვადაა 25 ივნისი.

კონკურსით დაინტერესებულმა პირებმა ნამუშევრები უნდა გაგზავნონ შემდეგ მისამართზე: cssgprojects@gmail.com. საკონტაქტო პირი: ბათუ კოპალიანი, ტელ.: 579 20 88 29, ფოსტა: cssgprojects@gmail.com.