თბილისის ხელოვნების სკოლებში მაჭავარიანის სახელობის ფესტივალი _ “ქართული ფრესკები~ მიმდინარეობს. საფესტივალო პროგრამას ყველა სკოლა თავისი სპეციფიკიდან გამომდინარე წარმოადგენს.

შოთა შანიძის სახელობის მე-20 ხელოვნების სკოლა, რომელიც საორკესტრო სკოლაა, ფესტივალზე წარმოადგენს კამერულ ორკესტრს, სასულე საკრავთა ორკესტრს, შერეულ ანსამბლებსა და სხვადასხვა საკრავზე შესრულებულ სოლონომრებს. საფესტივალო პროგრამაშია 2 პიესა, მათ შორის, ერთი ქართველი კომპოზიტორის.

საორკესტრო სკოლის კონცეტრი 3 მარტს არის დაგეგმილი გლდანის 26-ე ხელოვნების სკოლის შენობაში. ამ დღეს პროგრამაშია 23-ე ხელოვნების სკოლის მოსწავლეთა გამოსვლაც.
მონაწილეთა შეფასებას ახდენს ჟიური. ფესტივალის გამარჯვებულები კი გალაკონცეტრს გამართავენ.

რამდენიმე წელია, ხელოვნების სკოლებში ერთ დროს ტრადიციად ქცეული ფესტივალები და კონკურსები აღარ ჩატარებულა. 26-ე ხელოვნების სკოლის დირექტორის, ჟანა თეთრაშვილის ინიციატივით, ეს ტრადიცია ისევ გაცოცხლდა, რაც მოსწავლეებისთვის დიდი სტიმულია.