დღეს, 7 მარტს, დიდმარხვის მესამე კვირას, მართლმადიდებელი ეკლესია ჯვრის თაყვანისცემას აღნიშნავს. ამ დღსთან დაკავშირებით, სრულიად საქართველოს კათალიკოს-პატრიარქი, უწმინდესი და უნეტარესი ილია მეორე ყოვლადწმინდა სამების საკათედრო ტაძარში წირვა-ლოცვას გამართავს.

ჯვრის თაყვანისცემა დიდმარხვის შუა პერიოდში აღინიშნება. იგი მორწმუნეებს უფლის ვნებებს ახსენებს და რწმენაში აძლიერებს. დიდმარხვის შემდეგი კვირა წმინდა იოანე კლემაქსის სახელწოდებით აღინიშნება, რომელმაც ადამიანის განწმენდისთვის და უფალთან მისასვლელად სულიერების კიბე აღწერა. მას სხვაგვარად კიბისაღმწერელსაც უწოდებენ.

დიდმარხვა წელს 15 თებერვალს დაიწყო და 4 აპრილს, უფლის აღდგომის ბრწყინვალე დღესასწაულზე დასრულდება.

დღესვე მართლმადიდებელი ეკლესია წმინდა მოწამეების, ცხრა ყრმა კოლაელთა ხსენების დღეს აღნიშნავს.

ცხრა ყრმა კოლაელნი: გუარამი, ადარნასე, ბაქარი, ვაჩე, ბარძიმი, დაჩი, ჯუანშერი, რამაზი და ფარსმანი VI საუკუნეში აღესრულნენ. ისინი მდინარე მტკვრის სათავეში წარმართმა მშობლებმა ქრისტიანობის მიღებისთვის ჩაქოლეს.