|
29-06-2010, 03:57
საქართველოს მთავრობის გადაწყვეტილებით, სსიპ ქართველოლოგიის, ჰუმანიტარული და სოციალური მეცნიერებების ფონდი (რუსთაველის ფონდი) უქმდება. მთავრობის დადგენილების მიხედვით, ფონდის ლიკვიდაცია 1-ელ აგვისტომდე უნდა მოხდეს.
მთავრობის გადაწყვეტილებითვე, შეიქმნა რუსთაველის ფონდის სალიკვიდაციო კომისია, რომელსაც რუსთაველის ფონდის ბალანსზე რიცხული მატერიალური ფასეულობების ინვენტარიზაცია და დებიტორულ-კრედიტორული დავალიანებების სრული აღრიცხვა დაევალა.
რუსთაველის ფონდის ლიკვიდაციის შემდეგ ფონდის უფლებები და მის მიერ ნაკისრი მოვალეობების შესრულება განათლებისა და მეცნიერების სამინისტროს მიერ შექმნილ სსიპ შოთა რუსთაველის ეროვნულ-სამეცნიერო ფონდს გადაეცემა.
ghn |
|
