მობილური ტელეფონების მწარმოებეთა შორის სიდიდით მეორე კომპანიას Samsung სმარტფონებისთვის განკუთვნილი ოპერაციული სისტემის საკუთარი სისტემა აქამდე არ გააჩნია. იგი სმარტფონებსა და კომუნიკატორებს Windows Mobile, Symbian და Android ბაზაზე უშვებს. ყოველ უკანასკნელ მოდელში, ჩვეულებრივი ტელეფონების ჩათვლით, გამოყენებულია TouchWiz-ის საკუთარი სამომხმარებლო ინტერფეისი. Telecoms Korea-თან ინტერვიუში Samsung-ის ერთ-ერთმა ხელმძღვანელმ ადონგ ჰუნ ჩანმა (Dong-hoon Chan) განაცხადა, რომ კომპანია იმ დასკვნამდე მივიდა, რომ აუცილებელია საკუთარი ოპერაციული სისტემის შემუშავება.

ჯერჯერობით, მომავალი ოპერაციული სისტემის შესახებ არანაირი დაწვრილებით ინფორმაცია არ ვრცელდება, მაგრამ დიდია ალბათობა იმისა, რომ Samsung-ში საკუთარი სამომხმარებლო ინტერფეისის TouchWiz მემკვიდრეობითობის შენარჩუნებას შეეცდებიან. ამ მომენტისთვის კომპანია LiMo Foundation და Symbian Foundation წევრია და აქტიურად მონაწილეობს მობილური ტელეფონებისთვის Linux-პლატფორმების შექმნასა და გავრცელებაში. ამას გარდა, არც თუ ისე დიდი ხნის წინათ, Apple,RIM, Nokia, Google და LG მაგალითით, დამატებების App Store საკუთარი მაღაზია გახსნა. ჭორების თანახმად, Linux-ის ბაზაზე ახალი ოპერაციული სისტემის გამოსვლას ახლო მომავალში უნდა ველოდეთ.

წყარო: unwiredview