|
23-10-2009, 15:07
სოჭის ოლიმპიადის ბოიკოტირებასთან დაკავშირებით საქართვლოს ეროვნულმა ოლიმპიურმა კომიტეტმა სპეციალური მოხსენება მოამზადა.
მოხსენება ოლიმპიური კომიტეტის თავმჯდომარე გია ნაცვლიშვილმა დღეს საგარეო ურთიერთობათა კომიტეტისა და ტერიტორიული მთლიანობის აღდგენის დროებითი კომისიის ერთობლივ სხდომაზე დეპუტატებს გააცნო.
ნაცვლიშვილი ამ ეტაპზე არ აკონკრეტებს რა წერია მოხსენებაში, რადგან ეჭვობს, რომ მას რუსული მხარე "ბოროტად" გამოიყენებს.
საქართვლოს ეროვნული ოლიმპიური კომიტეტის სპეციალური მოხსენების საბოლოო ვარიანტის შემუშავების შემდეგ (მასში დეპუტატების გარკვეული შენიშვნები შევა) დოკუმენტი მსოფლიოს სხვადახვა ქვეყნის ოლიმპიურ კომიტეტებში გაიგზავნება.
აღსანიშნავია, რომ დეპუტატ შოთა მალაშხიას ვარაუდით, 2014 წლის სოჭის ოლიმპიადის ბოიკოტირების თაობაზე საქართველოს ოლიმპიური კომიტეტის მოწოდებას სერიოზული რეზონანსი მოჰყვება. |
|
