ამერიკელი მეცნიერების მტკიცებით, იაპონიაში მომხდარმა მიწისძვრამ დღე-ღამის ხანგრძლივობა 1.6 მიკროსეკუნდით შეამცირა. ამავდროულად, ამერიკელი მეცნიერები, იტალიელი კოლეგებისგან განსხვავებით ამტკიცებენ, რომ დედამიწის ღერძი არა 10, არამედ 15 სანტიმეტრით გადაიხარა.

შესაბამისი განმარტება აშშ-ის კოსმოსური სააგენტოს რეაქტიული მოძრაობის ლაბორატორიის მეცნიერმა რიჩარდ გროსმა გააკეთა. მისი თქმით, ჯერჯერობით არ არსებობს დაკვირვების მონაცმები, მაგრამ არსებობს გათვლები.

"ეს გათვლები აჩვენებს, რომ დღე-ღამის ხანგრძლივობა უნდა შემცირებულიყო 1.6 მიკროსეკუნდით, ხოლო ღერძი, რომლის ირგვლივაც ბალანსირებულია მასები, უნდა გადახრილიყო 15 სანტიმეტრით აღმოსავლეთის განედის 139 გრადუსისკენ", - აცხადებს გროსი.

მისი გამარტებით, დედამიწის ღერძი არ უნდა აგვერიოს დედამიწის ბრუნვის ღერძთან, რომელიც მუდმივად იცვლება ნებისმიერი ზემოქმედების შედეგად.

იაპონიის მიწისძვრამ მოახდინა იმის პროვოცირება, რომ პლანეტა ახლა უფრო სწრაფად ბრუნავს, "შესაბამისად დღე-ღამის განგრძლოვობა შემცირდა", - განმარტა გროსმა.
ghn