25 მაისიდან 4 ივნისამდე ბორჯომის მუნიციპალიტეტის გამგეობა, აპოლონ ქუთათელაძის სახელობის თბილისის სახელმწიფო სამხატვრო აკადემია და ხელოვნებისა და მეცნიერების საერთაშორისო კავშირი "ნუა" აწყობენ ხელოვნების ფესტივალს, რომლის დევიზია “ბორჯომი _ ხელოვნების ქალაქი”

დღეს, 23 მაისს, მართლმადიდებელი სამყარო სულთმოფენობას აღნიშნავს. ამ დღესთან დაკავშირებით სრულიად საქართველოს კათალიკოს-პატრიარქი, უწმინდესი და უნეტარესი ილია მეორე სამების საკათედრო ტაძარში სადღესასწაულო წირვას აღავლენს.
სულთმოფენობის დღესასწაული უფლის ბრწყინვალე აღდგომიდან 50-ე დღეს აღინიშნება და მოძრავი დღესასწაულია

დღეს, 23 მაისს, იესო ქრისტეს თორმეტ მოციქულთაგან ერთ-ერთის, საქართველოში ქრისტიანობის მქადაგებლის, სვიმონ კანანელის ხსენების დღეა. საქართველოს სამოციქულო ეკლესია იხსენიებს სვიმონ მოშურნე, კანანელს, რომელიც იყო ათორმეტთაგან მოციქული და რაც მთავარია, საქართველოში ქრისტეს რჯულის მქადაგებელი (მისი საფლავი და კლდეში გამოკვეთილი კელია მდებარეობს აფხაზეთში, ახალ ათონში). გადმოცემის თანახმად, სვიმონ კანანელი იყო ერთ-ერთი ძე იოსებ დამწინდველისა

დღეს, 22 მაისს, ცნობილი ქართველი მხატვრის, ირაკლი ფარჯიანი იუბილეა. მას დაბადებიდან 60 წელი შეუსრულდებოდა. იგი იყო ქართველი მხატვარი, პოეტი, საქართველოს ეროვნული ჯილდოსა და ფიროსმანის პრემიის ლაურეატი.
ირაკლი ფარჯიანი 1950 წლის 22 მაისს ზემო სვანეთში, მესტიაში დაიბადა

სამგზის ოლიმპიური ჩემპიონის, კახი კახიაშვილისა და “საქართველოს ოლიმპიელთა კლუბის” თაოსნობით იგეგმება “საქართველოს მსოფლიოსა და ევროპის ჩემპიონთა კლუბის” დაფუძნება, რომლის მიზანი ახალგაზრდებში სპორტის პოპულარიზაცია და ჯანსაღი ცხოვრების წესის პროპაგანდა იქნება.
21 მაისს კლუბის პირველ შეხვედრას საქართველოს ტექნიკურმა უნივერსიტეტმა უმასპინძლა

ტექნიკური უნივერსიტეტის სტუდენტები ოლიმპიელთა კლუბის წევრებს შეხვდნენ

თბილისში მე-20 საუკუნის ავსტრიული ლირიკის მრავალტომეულის ახალი, მეთორმეტე ტომი გამოვიდა. გამოცემა ეძღვნება მე-20 საუკუნის ევროპული პოეზიის ერთ-ერთ უნიკალურ ფენომენს და დღესდღეობით მრავალტომეულის რვა ტომია გამოცემული. ამ ტომებში წარმოდგენილია მსოფლიო პოეზიის ისეთი მნიშვნელოვანი სახელები, როგორებიცაა ჰოფმანსთალი, რილკე, თრაკლი, არტმანი, ლავანტი, ბუსტა და ბევრი სხვა ავტორი

21-23 მაისს თბილისში "ახალგაზრდა კავკასიელთა საერთაშორისო კავშირის" ორგანიზებით გაიმართება ახალგაზრდული ტურნირი მინიფეხბურთში - "კავკასიის თასი 2010". ტურნირის საზეიმო გახსნა 21 მაისს, 14:00 საათზე. ღონისძიება სპორტკომპლექს "ირაოში" გაიმართება და იგი თბილისის მერიისა და სპორტისა და ახალგაზრდულ საქმეთა დეპარტამენტის პატრონაჟით ტარდება

დღეს, 20 მაისს, საქართველოს ტექნიკური უნივერსიტეტის ადამიანური რესურსების მართვის დეპარტამენტის ღვაწლმოსილ მუშაკს, ქეთევან ჟუჟუნაშვილს, 90 წელი შეუსრულდა. იუბილეთან დაკავშირებით მცირე სააქტო დარბაზში ღონისძიება გაიმართა. საიუბილეო საღამო გახსნა საქართველოს ტექნიკური უნივერსიტეტის რექტორმა, პროფესორმა არჩილ ფრანგიშვილმა. მან ისაუბრა ქეთევან ჟუჟუნაშვილს ხანგრძლივ მოღვაწეობაზე ტექნიკურ უნივერსიტეტში, მის დამსახურებაზე და ხაზი გაუსვა ქალბატონი ქეთევანის ფენომენალურ მეხსიერებას. რექტორმა იუბილარს დღევანდელი დღე მიულოცა და ხანგრძლივი სიცოცხლე უსურვა

20 მაისს მართლადიდებელი ეკლესია აღნიშნავს ხსენებას წმინდათა მამათა ღირსისა დავით გარეჯელისა (მამადავითობა თბილისში); ღირსისა იოანე ზედაზნელისა და 12-თა მოწაფეთა მისთა: აბიბოს ნეკრესელისა, ანტონ მარტყოფელისა, დავით გარეჯელისა, ზენონ იყალთოელისა, თადეოზ სტეფანწმინდელისა (თათა მამებელისა), ისე წილკნელისა, იოსებ ალავერდელისა, ისიდორე (ეზდრიოს) სამთავნელისა, მიქაელ ულუმბოელისა, პიროს ბრეთელისა, სტეფანე ხირსელისა და შიო მღვიმელისა (VI-VII).
20 მაისს, 10:00 საათზე, სრულიად საქართველოს კათალიკოს-პატრიარქი, უწმინდესი და უნეტარესი ილია II დავით გარეჯში სადღესასწაულო ლოცვას აღავლენს

19 მაისს საქართველოს ტექნიკურ უნივერსიტეტში ხელი მოეწერა მემორანდუმს, რომელიც საქართველოს გაერთიანებული წყალმომარაგების კომპანიასა და საქართველოს ტექნიკურ უნივერსიტეტს შორის მჭიდრო თანამშრომლობას ისახავს მიზნად. შეხვედრას ესწრებოდნენ საქართველოს რეგიონალური განვითარებისა და ინფრასტრუქტურის მინისტრი დავით ტყეშელაშვილი, საქართველოს გაერთიანებული წყალმომარაგების კომპანიის დირექტორი ირაკლი კვაშილავა, სტუდენტები და პროფესორ-მასწავლებლები