სახელმწიფო უმაღლესი სასწავლებლები სახელმძღვანელოების შეძენას გამარტივებული წესით შეძლებენ. აღნიშნულთან დაკავშირებით ცვლილება შედის "უმაღლესი განათლების შესახებ" კანონში, რაზედაც მთავრობა და პარლამენტი უკვე შეთანხმდა.

მიღწეული შეთანხმების თანახმად, სახელმძღვანელოები შეძენისას უმაღლეს სასწავლებლებს შესყიდვების რთული პროცესის გავლა არ მოუწევთ.

გარდა ამისა, წარმოდგენილი კანონპროექტი ითვალისწინებს უმაღლესი სასწავლებლისთვის სახელმწიფო ქონების გადაცემას და ამ ქონების გადასახადისგან გათავისუფლებას.

"უმაღლესი განათლების შესახებ" კანონპროექტის განათლების, მეცნიერებისა და კულტურის კომიტეტის სხდომაზე მეორე-მესამე მოსმენით განიხილეს.