ევროპულ კონკურსში სტუ-ის მეცნიერთა ჯგუფის პროექტმა გაიმარჯვა. 2011 წლის 1-ელ ივნისს ევროკომისიიდან (ბრიუსელი) მოვიდა შეტყობინება იმის შესახებ, რომ სტუ-ის მეცნიერთა ჯგუფის პროექტმა “სენსორების კვლევის მიმართულებით საქართველოს ტექნიკურ უნივერსიტეტსა და ევროპულ კვლევით სივრცეს შორის კავშირებს გაძლიერება~ (# 294299), რომლის კორდინატორია საინჟინრო ფიზიკის დეპარტამენტის სრული პროფესორი პაატა კერვალიშვილი. ბატონი პაატა მონაწილეობდა ევროპული პროგრამის – “Capaiies~ – Call ID “FP7-INCO-2011-6~ ღია კონკურსში, მიიღო ქულათა მაქსიმალურად შესაძლებელი ოდენობა (15 ქულა) და, აქედან გამომდინარე, პირველია დასაფინანსებელ პროექტთა რიცხვში.

9 ივნისს ევროკომისიიდან მოვიდა მეორე წერილი პროექტის განსახორციელებლად კონტრაქტის დადების თაობაზე, შესაბამისი მოსამზადებელი სამუშაოს დაწყების ინიციატივით. ამის შემდეგ დაიწყო კონსულტაციები და თანამშრომლობა ევროკავშირის შესაბამის სამსახურებთან.

უნდა აღინიშნოს, რომ ევროკავშირის მიერ პროექტის დაფინანსების ოდენობა აღემატება 460 ათას ევროს. ეს პირველი ევროპული სამეცნიერო პროექტია, რომელიც ოფიციალურად ქართველი მეცნიერების ხელმძღვანელობით წარიმართება. მასში ბრიტანელი (კემბრიჯ-კრენფილდი), ბერძენი (ათენი) და ლუქსემბურგელი კოლეგები მონაწილეობენ.

პროექტი ორწლიანია და ნავარაუდებია მისი უფრო ფართო მასშტაბით გაგრძელება.