საქართველოს ტექნიკურ უნივერსიტეტში ხანგრძლივი და ნაყოფიერი პედაგოგიური მუშაობისთვის, სტუდენტი ახალგაზრდობის აღზრდაში გაწეული დიდი წვლილისთვის საპატიო დიპლომებით დააჯილდოვეს პროფესორები - ზაურ არაბიძე, ნაომ ბოჭორიშვილი, ალფრედ გაგნიძე.

ზაურ არაბიძე 1992-2006 წლებში იყო სამთო-გეოლოგიური ფაკულტეტის დეკანის მოადგილე სასწავლო დარგში. 2006 წლიდან მოყოლებული, არის სტუ-ის სასრგებლო წიაღისეულის გამდიდრების მიმართულების სრული პროფესორი. 1982 წლიდან არის ტექნიკურ მეცნიერებათა კანდიდატი. გამოქვეყნებული აქვს 75 სამეცნიერო სტატია, არის 7 გამოგონების, 12 მეთოდური მითითებისა და ერთი სახელმძღვანელოს ავტორი.

სრული პროფესორი ნაომ ბოჭორიშვილი არის საინჟინრო გეოდეზიის დეპარტამენტის საგანგებო სიტუაციების მართვისა და შრომის უსაფრთხოების მიმართულების ხელმძღვანელი.

ალფრედ გაგნიძე არის ქიმიური ტექნოლოგიისა და მეტალურგიის ფაკულტეტის შავი ლითონების მეტალურგიის მიმართულების ასოცირებული პროფესორი. მისი კვლევის სფეროა მეტალურგიული კაზმების მომზადება, პროცესების ფიზიკური ქიმია, დაკოქვსის მეთოდები.