რაც შეეხება იდენტიფიკაციის პროცესს, თითის ანაბეჭდების სკანირების შემდეგ, თუკი ბიომეტრიული იდენტიფიკაცია წარმატებით დასრულდება, კომპიუტერული ტერმინალის ეკრანზე ჩნდება იარაღის იმ სახეების გრაფიკული აღნიშვნები, რომლებიც ამ პოლიციელისთვისაა დაშვებული. პოლიციელი ირჩევს საჭირო იარაღს, რის შემდეგაც ტერმინალი შესაბამისი ყუთის გახსნის ბრძანებას გასცემს.
პოლიციის უფროსის, ნიკოლას კაიზერის განცხადებით, ბიომეტრიული სისტემა არსებითად ზრდის ტაბელური ირაღის გამოყენების ეფექტურობას. ყველა პოლიციელს საშუალება ეძლევა აიღოს ის იარაღი, რომელიც მისთვისა განკუთვნილი. ამასთან, თუკი რომელიმე იარაღი დაიკარგება, ყოველთვის იქნება იმის გარკვევის შესაძლებლობა, ვინ ატარებდა უკანასკნელად მას.
ახალი ბიომეტრიული სისტემის დანერგვა 76 ათასი აშშ დოლარი დაჯდა. აღსანიშნავია, რომ საგანგებო სიტუაციების შემთხვევაში, როდესაც პოლიციელებს იარაღთან დაშვება სასწრაფოდ სჭირდებათ, ბიომეტრიულ სისტემაში გათვალისწინებულია იარაღის საცავის ერთბაშად გახსნის ფუნქციაც.