საქართველოში ამინდის პროგნოზი კიდვე უფრო ზუსტი იქნება. გარემოს დაცვის სამინისტრომ მეტეოროლოგიური სამსახურისთვის ახალი აპარატურა შეიძინა, რომელიც 700 ათასი ლარი დაჯდა.
ტექნიკა ძველ სისტემებს ეტაპობრივად ჩაანაცვლებს. ახალი აპარატურის მონტაჟი 2010 წლის მარტში დასრულდება. ტემპერატურის საზომის სისტემები მესტიაში, ამბროლაურში, რიკოთის უღელტეხილზე და ფოთში დამონტაჟდება. ინფორმაცია აღნიშნული ადგილებიდან თბილისს ახალი, თანამედროვე სატელეკომუნიკაციო სისტემების საშუალებით გადმოეცემა.
საქართველოს გარემოს დაცვის მინისტრ გოგა ხაჩიძის განცხადებით, აღნიშნული მნიშვნელოვნად გაზრდის ამინდის პროგნოზის ხარისხს.
"ეს მნიშვნელოვნად შეუწყობს ხელს ტურიზმის განვითარებასაც", - აცხადებს ხაჩიძე.