საგანგებო სამსახურების ტელეფონების მოკლე სპეციალური ნომრები იცვლება » News.GTU.ge



«    აპრილი 2020    »
ორშსამოთხხუთპარშაბკვ
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
დაგვიკავშირდით

საგანგებო სამსახურების ტელეფონების მოკლე სპეციალური ნომრები იცვლება სიახლე
15-11-2011, 01:37
საქართველოს ელექტრონულ საკომუნიკაციო ქსელებში ნუმერაციის ეროვნული სისტემის დანერგვასთან დაკავშირებით, 15 ნოემბრიდან ქვეყნის ფიქსირებული ადგილობრივ და მობილურ სატელეფონო ქსელებში მოქმედი 0X(X) ფორმატის მოკლე ნომრები შეიცვლება 1XX(XXX) ფორმატის მოკლე ნომრებით.

რეფორმის პირველ ეტაპზე მიმდინარე წლის 15 ნოემბერს შეიცვლება ექსტრემალური (საგანგებო) სამსახურების ტელეფონების არსებული მოკლე სპეციალური ნომრები და ისინი შემდეგი სახის იქნება: სახანძრო - სამაშველო სამსახურის ტელეფონების ნომრები - 01 და 011, შეიცვლება ნომრით - 111; სასწრაფო სამედიცინო დახმარების ტელეფონების ნომრები 03 და 033, შეიცვლება ნომრით - 113; გაზის საავარიო სამსახურის ტელეფონის ნომერი - 04, შეიცვლება ნომრით -114; საპატრულო პოლიციის ტელეფონის ნომერი - 022, შეიცვლება ნომრით - 122; დაცვის პოლიციის ტელეფონის ნომერი - 025, შეიცვლება ნომრით - 125.

ექსტრემალური (საგანგებო) სამსახურების გამოსაძახებლად ფიქსირებული ადგილობრივი და მობილური სატელეფონო ქსელების აბონენტების მიერ იკრიფება მხოლოდ გამოსაძახებელი სამსახურების მოკლე სპეცნომრები.

შეიცვლება ყველა სხვა ორგანიზაციების და სამსახურების ტელეფონების მოკლე ნომრები, რომლებიც "0" -ით ან "8"-ით იწყება, მათი და 1XX(XXX) ფორმატის ნომრების მქონე სხვა და სხვა ორგანიზაციების და სამსახურების გამოძახების წესი შემდეგი იქნება:

თუ გამოსაძახებელი სამსახური ან/და ორგანიზაცია, ფიქსირებული ადგილობრივი და მობილური სატელეფონო ქსელების აბონენტები ერთი და იმავე ქალაქის ან/და მუნიციპალიტეტის ადმინისტრაციულ საზღვრებში მდებარეობენ სატელეფონო ქსელების აბონენტების მიერ იკრიფება მხოლოდ გამოსაძახებელი სამსახურის მოკლე ნომერი; (მაგალითად: ქ. თბილისიდან ქ.თბილისში მდებარე სოფლის მეორნეობის კორპორაციის ცხელი ხაზის ტელეფონის ნომერზე - 16015 დასარეკად იკრიფება მხოლოდ აღნიშნული ნომერი).

თუ გამოსაძახებელი სამსახური ან/და ორგანიზაცია და ფიქსირებული ადგილობრივი და მობილური სატელეფონო ქსელების აბონენტები სხვადასხვა ქალაქის ან/და მუნიციპალიტეტის ადმინისტრაციულ საზღვრებში მდებარეობენ სატელეფონო ქსელების აბონენტების მიერ იკრიფება პრეფიქსი "8", იმ ქალაქის კოდი, სადაც გამოსაძახებელი სამსახური მდებარეობს და გამოსაძახებელი სამსახურის ნომერი (მაგალითად: ქ. ბათუმიდან ქ.თბილისში მდებარე სოფლის მეორნეობის კორპორაციის ცხელი ხაზის ტელეფონის ნომერზე-16015 დასარეკად იკრიფება პრეფიქსი 8, თბილისის კოდი-32 და ტელეფონის ნომერი-16015).

გარდამავალ ეტაპზე, 15 ნოემბრიდან 30 ნოემბრამდე უზრუნველყოფილი იქნება ძველი 0X(X) ფორმატის და ახალი 1XX(XXX) ფორმატის მოკლე ნომრების თანამოქმედება, ხოლო 30 ნოემბრიდან იმოქმედებს მხოლოდ 1XX(XXX) ფორმატის მოკლე ნომრები.
 
 

ასევე:

  • სატელეფონო ქსელების სააბონენტო ნომრები იცვლება
  • ფიქსირებულ და მობილურ სატელეფონო ქსელებში მოქმედი პრეფიქსი შეიცვალა
  • 20 ივნისს, 00:00 საათიდან, მობილური ქსელების ნომერაცია იცვლება
  • ქვეყანაში ახალი კოდები მოქმედებს
  • ეროვნული პრეფიქსი "8" იცვლება "0"-ით






  • 

    Wi-Fi
    UMTS
    WiMAX
    CDMA
    EDGE
    Cellular 3,5G
    HSPA
    Mobile WiMAX - 4G
    GSM
    GPRS



      ყველა უფლება დაცულია © Copyright 2009.
    GTU | ელ.ფოსტა: gtunews@gtu.ge