9 მარტს სტუ-ში ბიზნეს-ინჟინერინგის ფაკულტეტისა და სტუ-ის გენდერული თანასწორობის კვლევითი ცენტრის ინიციატივით, 2012-2015 წლების ეროვნული სამოქმედო გეგმის ხელშეწყობის მიზნით, ჩატარდა საერთაშორისო სამეცნიერო კონფერენცია “მსოფლიო და გენდერი”. ორგანიზატორები იყვნენ სტუ-ის ბიზნეს-ინჟინერინგის ფაკულტეტის დეკანი რუსუდან ქუთათელაძე, სტუ-ის გენდერული თანასწორობის კვლევითი ცენტრის უფროსი მაია ყიფიანი.

კონფერენციაში მონაწილეობდნენ სხვადასხვა უმაღლესი სასწავლებლის, სამეცნიერო კვლევითი ინსტიტუტების, არასამთავრობო ორგანიზაციების, პარლამენტის გენდერული თანასწორობის საბჭოსა და აღმასრულებელი ხელისუფლების სტრუქტურების წარმომადგენლები, ასევე, გენდერული საკითხებით დაინტერესებული მეცნიერები უცხოეთიდან (იაპონია, უკრაინა, ყაზახეთი და რუსეთი).

მუშაობდა 6 სექცია: ქალი და პოლიტიკა, ქალი და კულტურა, ქალი და კანონმდებლობა, ქალი და ბიზნესი, ქალი და მასმედია, გენდერი: პარადიგმები და დილემები. სულ წარმოდგენილი იყო 75 ნაშრომი.