საქართველოს ტექნიკურ უნივერსიტეტსა და კორპორაცია “პიონერს” (PIONEER) (აშშ) შორის ხელშეკრულება დაიდო. ხელშეკრულება ითვალისწინებს 30 თვის განმავლობაში საქართველოს ტექნიკური უნივერსიტეტისთვის 140.000 აშშ დოლარის გადახდას. მისი მიზანია ფართო გამოყენებაში მყოფი ზოგიერთი ჰერბიციდის, რომელიც ხშირად ხვდება ადამიანის საკვებ ჯაჭვში, ნარჩენების მოშორება ნიადაგიდან და წყალსატევებიდან, ბიოინჟინრული მიდგომებით. სამომავლოდ, ერთობლივი კვლევის ფარგლებში, ნავარაუდებია ჰერბიციდების დამშლელი აქტიური ბიოლოგიური ინსტრუმენტების შექმნა გენმოდიფიცირებული მიკროორგანიზმების მიღებით.

ამერიკული კორპორაცია, თავის მხრივ, ფართოდ დანერგავს აღნიშნულ ბიოტექნოლოგიას, ხოლო ბიოტექნოლოგიის კომერციით მიღებული მოგება, შეთანხმების მიხედვით, განაწილდება კორპორაციასა და სტუ-ს შორის.