|
18-07-2012, 23:36
საქართველომ ევროკავშირში ბრენდი - „ღვინის აკვანი" დაარეგისტრირა. ევროკავშირის შიდა ბაზრის ჰარმონიზაციის უწყების მიერ შესაბამისი დამცავი დოკუმენტი უკვე გაცემულია, რაც იმას ნიშნავს, რომ საქართველოს ექნება ექსკლუზიური უფლება, ევროკავშირის ქვეყნების ტერიტორიაზე სარეალიზაციოდ წარადგინოს ღვინო, სახელწოდებით „საქართველო - ღვინის აკვანი".
"საქპატენტის" ინფორმაციით, 2011 წლამდე ეს ბრენდი ბრიტანული კომპანიის სახელზე იყო რეგისტრირებული. რეგისტრაცია საქართველოს უფლებას ანიჭებს, ასევე, აუკრძალოს ნებისმიერი სხვა ქვეყნის მწარმოებელ კომპანიებს აღნიშნული სახელწოდების გამოყენება ნებართვის გარეშე. ბრენდის რეგისტრაცია ხელს შეუწყობს საქართველოს, როგორც უძველესი ღვინის ქვეყნის, პოპულარიზაციას. |
|
