დღეს, 30 ნოემბერს, თბილისის ეროვნულ მუზეუმ "ქარვასლაში" ნინო კალანდიასა და პაპუნა პაპასკირის ერთობლივი პროექტი - გამოფენა "13/13" გაიხსნება.
გამოფენის ორგანიზატორების განცხადებით, 13 თვესა და 13 დღეს გაგრძელდა აფხაზეთის კონფლიქტი, რომელმაც ასობით და ათასობით უდანაშაულო ადამიანის სიცოცხლე შეიწირა და უფრო მეტი უსახლკაროდ დატოვა.

"გამოფენა არ ეძღვნება არც ომს და არც მშვიდობას, ის ეძღვნება შთაბეჭდილებებსა და შეგრძნებებს, ტკივილსა და სიხარულს, გაცნობიერებულსა თუ გაუცნობიერებელს, მარტოობასა და სიჩუმეს, 13 თვეში და 13 დღეში წართმეულ ბავშვობას", - აღნიშნავენ ისინი.

გამოფენა "ქარვასლაში" 10 დეკემბრამდე გაგრძელდება.