ეროვნულ არქივში გაიხსნა გამოფენა „რამაზ ჩხიკვაძე. 85 ფოტო ალბომისთვის" » News.GTU.ge



«    მარტი 2024    »
ორშსამოთხხუთპარშაბკვ
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
დაგვიკავშირდით

ეროვნულ არქივში გაიხსნა გამოფენა „რამაზ ჩხიკვაძე. 85 ფოტო ალბომისთვის" კულტურა, სპორტი
28-02-2013, 18:01
ეროვნული არქივის საგამოფენო დარბაზში დღეს ცნობილი ქართველი მსახიობის, რამაზ ჩხიკვაძის 85 წლის იუბილესადმი მიძღვნილი გამოფენა "რამაზ ჩხიკვაძე - 85 ფოტო ალბომისათვის" გაიმართა. ღონისძიება იუსტიციის მინისტრის მოადგილემ დავით ჯანდიერმა, ეროვნული არქივის გენერალურმა დირექტორმა თეონა იაშვილმა და რამაზ ჩხიკვაძის შვილიშვილმა ალექსანდრე ჩხიკვაძემ გახსნეს.

„ბედნიერი ვარ, რომ მაქვს შესაძლებლობა მონაწილეობა მივიღო ამ ღირსშესანიშნავ ღონისძიებაში. არ მეგულება ადამიანი, რომელიც გულისყურისა და განსაკუთრებული სითბოს გარეშე შეხედავს ამ ფოტოებს, რომლებზეც ასახულია მსახიობის შემოქმედების ყოველი ეტაპი ქართული კინოსა და თეატრის ისტორიიდან," - განაცხადა დავით ჯანდიერმა.

თეონა იაშვილმა გამოფენის გახსნისას აღნიშნა, „ეროვნულმა არქივმა საიუბილეო გამოფენაზე რამაზ ჩხიკვაძის ცხოვრების და შემოქმედების ამსახველი ფოტოები წარმოადგინა, რომლებიც სპეციალურად ამ დღისთვის მომზადებულ გამოცემაშიც შევიდა. ამდენად, ნებისმიერ დაინტერესებულ პირს საშუალება აქვს გაეცნოს ამ უნიკალურ ფოტოებს".

გამოფენას მსახიობის ოჯახის წევრები, კოლეგები და მეგობრებიც ესწრებოდნენ.

ექსპოზიციაზე წარმოდგენილია რამაზ ჩხიკვაძის თეატრალური და კინოროლების, რეპეტიციებისა და შეხვედრების ამსახველი ფოტოები, ასევე კინოკადრები - ნაწყვეტები სპექტაკლებიდან, რამაზ ჩხიკვაძის მონაწილეობით.

ეროვნული არქივის კინოფოტოფონოდოკუმენტების ცენტრალურ არქივში რამაზ ჩხიკვაძის რამდენიმე ასეული ფოტო ინახება. მათი ერთი ნაწილი მხატვრული ფილმების გადასაღებ მოედანს ასახავს. გარდა ამისა, არქივი ინახავს თეატრალური სპექტაკლების, რეპეტიციების, სხვადასხვა ღონისძიების ფოტოებს. გამოფენაზე დაცული ფოტოების ნაწილი დაცულია "საქინფორმის" კოლექციაში.

ქართული და თეატრისა და კინოს მსახიობი რამაზ ჩხიკვაძე 1928 წლის 28 თებერვალს თბილისში, მუსიკოს გრიგოლ ჩხკიკვაძის ოჯახში დაიბადა. 1951 წელს დაამთავრა თეატრალური ინსტიტუტის სამსახიობო ფაკულტეტი. ამავე წლიდან, რუსთაველის დრამატული თეატრის მსახიობი გახდა. რუსთაველის თეატრის სცენაზე განასახიერა მრავალი საინტერესო და დაუვიწყარი როლი: ლეანდრო (,,ესპანელი მღვდელი"), პეტრი პეტრუსი (,,როცა ასეთი სიყვარულია"), ქოსა მრჩეველი (,,ჭინჭრაქა"), მეკი დანა (,,სამგროშიანი ოპერა"), კასიანე (,,მზიანი ღამე"), თედო (,,ბებერი მეზურნეები"), აკოფ დარდიმანდიანცი (,,ხანუმა"), კირილე მიმინოშვილი (,,სამანიშვილის დედინაცვალი"), შოშია (,,საბრალდებო დასკვნა"), ყვარყვარე (,,ყვარყვარე"), აზდაკი (,,კავკასიური ცარცის წრე"), რიჩარდი (,,რიჩარდ III"), ლირი (,,მეფე ლირი").
რამაზ ჩხიკვაძის შემოქმედება ასეთივე წარმატებული იყო კინოშიც. იგი 70-ზე მეტ მხატვრულ ფილმშია გადაღებული. მათ შორის, "ჭრიჭინა", "წარსული ზაფხული" "ლონდრე", "თეთრი ბაირაღები", "ქალაქი ანარა", "ნერგები", "სოფლის აშიკი", "ნატვრის ხე", "თხუნელა".

გამოფენა ორ კვირას გაგრძელდება.
 
 

ასევე:

  • მსახიობი რამაზ ჩხიკვაძე გარდაიცვალა
  • რამაზ ჩხიკვაძეს 78 წელი შეუსრულდა
  • ცნობილი ფეხბურთელი რამაზ შენგელია გარდაიცვალა
  • ეროვნულ არქივში გამოფენა “ექვთიმე თაყაიშვილი" გაიხსნება
  • ეროვნულ არქივში ნიკოლოზ საღარაძის ფოტოალბომების რესტავრაცია მიმდინარეობს






  • 

    Wi-Fi
    UMTS
    WiMAX
    CDMA
    EDGE
    Cellular 3,5G
    HSPA
    Mobile WiMAX - 4G
    GSM
    GPRS



      ყველა უფლება დაცულია © Copyright 2009.
    GTU | ელ.ფოსტა: gtunews@gtu.ge